2012年12月31日星期一

香港腸粉皇

腸粉癮起 ,想起先前有人介紹即拉腸粉立刻出發呢度d腸粉好特別,除了鮮蝦腸粉, 蜜汁叉燒腸粉外, 還有梅菜豬肉腸粉,薑汁豬潤腸粉潮州腸粉潮州腸粉其實係潮州粉果餡料包括花生,沙角粒,蝦米等腸粉即叫即做,皮薄餡靚,讚

另叫了蘿蔔糕,有得選擇我一定要蒸的內裡充滿一條條粗條的蘿蔔絲,蝦米荵花相當配合

最後到髮菜蠔豉豬骨粥,雖然非常足料,但和暖的...粥唔熱係死罪喔



香港腸粉皇
土瓜灣譚公道98號兆豐閣地下1號舖


注: 區內有多個咪表車位 ,可供停泊

2012年12月28日星期五

懷舊粵菜喜萬年

喜萬年,一間好有歷史的酒樓,乳豬非常出名,今次就同家人來嘗一嘗懷舊粵菜吧!預早訂了乳豬,魚腸焗蛋及蓮蓉西米焗布甸。當天再叫了青班,腐皮卷,腰果蘭度等。乳豬的確名乎其實,皮脆肉香,但跟住上的菜色就奇怪地細碟,尷尷尬尬的食了大半個鐘,奇怪,怎麼魚腸焗蛋及青班還未有蹤影,向部店詢問後發現青班還未蒸,魚腸焗蛋則立刻到,炒飯都食完了,結果青班十多分鐘後才到,而我們為有空口食魚,感覺不好

還好,蓮蓉西米焗布甸的確有水準,算是挽回多少分數。



喜萬年酒樓
灣仔軒尼詩道1號熙信樓1樓


注: 鄰近灣仔地鐵站喜萬年提供代客泊車,對面匯漢大廈亦有時租車位


2012年12月24日星期一

近期非常滿意的一餐

到 MegaBox X'mas shopping,沒有太大期望的找餐廳醫肚。做冬食中餐,聖誕食西餐,今日食日本餐吧! 入座表明食定食,點了3份包括壽司定食,西京銀鱈魚及網燒牛扒餐。侍應姐姐問我地是否 share 食物呢,對,還以為只是放餐具時比多隻碟,估不到餐廳很貼心,將定食分拆送上。先來沙律菜,同麵豉湯,再來壽司,好新鮮的材料喔,鮮甜美味,溫度亦剛好,吃得舒服。等我地享用完畢後才上前菜茶碗蛋及餃子,好明顯係剛煎好,熱辣辣,肉汁豐富,茶碗蛋滑溜鮮甜,接著主菜西京銀鱈魚及網燒牛扒到,最後綠茶及芝麻雪糕畫上完美的句號。

離開時見到鐵板燒台座無虛席,下次一定試下鐵板燒。


和光鐵板燒日本料理
九龍灣宏照道38號企業廣場5期MegaBox G 21


注:可在九龍灣地鐵站坐接駁巴士到 Mega box,Mega box提供時租車位。



2012年12月20日星期四

週末好去處 西貢 fish n chips

間中也會掛念英式食品。今天到西貢就是為了 fish n chips,today's special 有 caesar salad,order 一客醒醒神先,羅馬生菜新鮮,醬汁恰到好處,加點煙肉粒,味道層次豐富了。

點了大 fish n chip,有3件魚,炸槳薄而香,可惜魚味欠逢,粗身薯條則非常好,脆口不油。還有英式腸,強烈香料味道,而漢堡則是自家製,簡單美味,加上室外海邊享受,暫時忘卻工作的煩憂,呢餐午餐都幾嘆。


Camden Town
西貢西貢海傍街49號


注: 區內有多個咪表車位 ,可供停泊

2012年12月19日星期三

又到八仙

又到八仙餅家買了大合桃酥耳仔餅,黑芝麻花生糖及懷舊蛋糕。餅類當然有品質保證,估唔到懷舊蛋糕內係有豆沙,味道清香,又不會太甜,讚





八仙餅家
深水埗南昌街197號地下



鄰近深水埗地鐵站 泊車可到長沙灣政府合署。

2012年12月18日星期二

我的芝士波波

芝士波波,其中一樣我非常喜愛的下午茶點心。每次到餅店,都一定買些,但近期,相信又係將貨就價的關係,有的芝士味不夠重,有的不夠煙韌,倒不如自己動手。就這樣,我的芝士波波出世啦。

試過用芝士摩碎或用芝士片,效果還是太濕,原來用芝士粉才可乾身又香。

.

得閒睇下我的專頁丫 ^^
https://www.facebook.com/juliatsui88?

2012年12月17日星期一

久遺了的福建薄餅

小時候,每逢過年過節到大姨家,她一定做福建薄餅,餡料豐富,功夫多多,椰菜、牙菜、菜莆、豆干、肉絲,味道出奇地配合,加點甜醬,全家也食不停口。

今天到厦門風味小吃店,嘗了她的「春巻」,兒時記憶立刻擁現,她加了少許酸辣醬,另有風味。還試了花生湯,這是一道甜品,不太甜,但只有花生對我這個花心女子來說就太單調了。


廈門風味阿珠小吃店
土瓜灣美景街44號安福大廈


注: 區內有多個咪表車位 ,可供停泊

2012年12月13日星期四

希慎香辣屋

希慎廣場,的確集中了很多有名的食肆,就連 foodcourt 都名店琳立,但相比其他 foodcourt,價錢似乎貴了點。香辣屋走中檔路線,平均每碟五十多元,色香兼備,味道則嫌廚師下太多味精,食後需須大量飲水,商業味道很重。



香辣屋
銅鑼灣軒尼詩道500號希慎廣場11樓Kitchen 11



注: 鄰近銅鑼灣港鐵站

2012年12月11日星期二

靚早餐

友人介紹九龍灣有間小店,早餐及午餐都唔錯,今天有機會,一定要試試。友人提議魚柳早餐,而他則要了磨菇奄列伴煎蕃茄和多士。到櫃面付款後立即比飲品給你,大概等了十分鐘,早餐送到。新鮮炸的魚柳,蛋炒得滑滑的,奄列磨菇味香濃,還有健康番茄伴碟,營養均衡。



Bistro Bistro
九龍灣宏照道國際交易中心地下2號舖


注:鄰近 Mega box,可在九龍灣地鐵站坐接駁巴士到 Mega box再步行,國際交易中心提供時租車位。

salami 芝士飽

麵包機都可以焗餡料豐富的麵包,今天我就用義大利的莎樂美腸 - Salami,配Moszrella cheese。

Salami,是歐洲一種風乾豬肉香腸,名字來自義大利動詞 salare,是「加鹽」的意思。

Moszrella cheese 馬蘇里拉芝士是一種源自於義大利南部城市坎帕尼亞和那不勒斯的淡芝士。最初的馬蘇里拉是以水牛奶為主要材料的,但由於經濟理由,現在的馬蘇里拉大部分都已經改用牛奶製作了。

一濃一淡,味道特出,值得向大家推介。


得閒睇下我的專頁丫 ^^
https://www.facebook.com/juliatsui88?


2012年12月7日星期五

婚宴@龍堡國際胡應湘堂

朋友在龍堡設宴,多年前曾到胡應湘堂飲宴,記憶中非常有水準。雖然近年婚宴的菜式及質數都因市道每況愈下,但對龍堡都有所期待。

先來乳豬全體,皮脆肉香,配薑絲去點油膩感覺。到百花釀蟹鉗,呢道懷舊菜要做到彈牙,打蝦膠不可以馬虎,龍堡除了做到質量啱啱好,還熱騰騰的,一次過準備四十檯,都唔係間間得架。熱燻包括玉環瑤柱甫、完隻鮑魚海參、翡翠玉如意等,都入味非常,燒雞脆,連炒飯也用料十足。

甜品係湯丸合桃露及美點雙輝,美味之餘,注意隻碗係心形,認真體貼。



九龍柯士甸道龍堡國際酒店胡應湘堂


鄰近佐敦地鐵站,龍堡國際酒店提供時鐘車位



2012年12月6日星期四

洪師父來香港

年前到台灣,見識過洪師父牛肉麵,雖然不是我食過最好味台灣牛肉麵,但始終係多年台灣得獎的,總是有特色,牛腩腍滑,麵條煙韌。



今天經過吉之島,發現有包裝洪師父牛肉麵,立即煮比你食,點知同正宗的差很遠,只有眼見的3件牛腩牛肚,湯亦只有鹹味沒有香沒有牛味,有點兒那個,承惠$30。



2012年12月4日星期二

寒天食雪糕

早前香港人極鍾意北海道3.6牛乳,大家才知道所謂3.6是指乳脂含量係3.6%,比市場一般3%乳脂高,牛奶香味突出,近年坊間部份甜品店都標榜用北海道3.6,提高品質,可見其受歡迎程度。今次嘗試的係北海道5.0做的牛乳雪糕,成5.0%乳脂含量,不得了,真的好香濃奶味,肥少少都值得



Mazazu Crepe
尖沙咀廣東道17號海港城海運大廈地下OTG20號舖


鄰近尖沙咀天星碼頭尖沙咀地鐵站尖東地鐵站車可到海運大廈停車場


2012年12月3日星期一

沙田意樂餐廳

邀約朋友到禾輋食午餐,朋友提議到意樂,去到見到好多學生,還以為又一學生餐廳。點了海鮮 Risotto,朋友則點了免牛意 Spaghetti Bolognese。主菜到,朋友主動比我試意粉,咦,咁奇怪,好香濃香草味,絕對不是一般敷衍菜色。而我的 Risotto,以 $39 來說,海鮮豐富,味道濃郁,份量還很多,沒有辦法完成整碟飯,係現在香港市道,實屬少見。



沙田意樂餐廳
沙田禾輋村商場3樓


注: 鄰近沙田鐵路站,禾輋村提供時租車位。

2012年11月30日星期五

我想念的羊奶凍

大半年前,到大漠食過兩次晚飯,感覺非常正宗新疆菜,對於羊癡的我,印象深刻

今天再到大漠食午餐,本見到有特價午餐及提供學生價錢,心涼了一截,好在後來發現有新疆特色午餐要了新疆羊鞍飯及羊腩麵,另加疆式羊肉炒飯及紅毛九芽羊肉煎油酥餅

先來餐湯及餐茶,呢名為‘心心相印’的花茶,茶葉球浸在水中,慢慢地盛開成燦爛的花朵,單是欣賞已十分賞心悅目,而且茶味清香羊肉煎油酥餅新鮮蔬菜十足油酥餅香脆,一道十分好的前菜。主菜亦到了 羊羶味香濃羊腩亦充滿孜然香味羊肉炒飯帶少辣,就是這香辣,令人停不到口連唔食得辣的仔仔都一口炒飯,一啖水,太好味了

甜品當然係羊奶凍,味道比坊間的牛奶布甸香濃幼滑甜度適中,果然係我一直想念的



大漠
土瓜灣北帝街27號C地下


注: 區內有多個咪表車位 ,可供停泊,亦可到欣榮花園停車場

2012年11月29日星期四

自製果皮牛肉燒賣


因很喜歡食果皮重的牛肉燒賣, 坊間不易找到有質數的,所以自家研究。終於做得比較成功 好開心呀^^

只係我買不到白皮
, 只有用雲吞皮代住先啦...有無人可以話我知,邊到有得買呢 ?




得閒睇下我的專頁丫 ^^
https://www.facebook.com/juliatsui88?



2012年11月28日星期三

喀什米爾咖喱屋 Kashmir Curry House

年前係深水埗長沙灣道買了個牛肉薄餅,香又酥,一試難忘特式街頭美食。

今次到深水埗,路過北河街見有人聚集,八卦望下,係印度薄餅呀! 已八分飽的我依然忍不住要了一件雞蛋薄餅,淡淡蛋香,更嚐到薄餅原味。




喀什米爾咖喱屋 Kashmir Curry House
正店: 深水埗長沙灣道264D-G
分店: 北河街近公和荳品廠



注: 鄰近深水埗地鐵站, 泊車可到長沙灣政府合署。

2012年11月27日星期二

公和荳品廠

什麼比豆腐更多食法? 

要香,煎釀豆腐
要入味,浸釀豆卜
要甜品,可要豆腐花
要解渴,飲豆漿吧 !



公和荳品廠
深水埗北河街118號地下


注: 鄰近深水埗地鐵站 , 泊車可到長沙灣政府合署。

2012年11月26日星期一

竹昇麵專家

特地來到試聞名已久的蝦子竹昇麵,落了單後先試獨家醃製的酸蘿蔔,甜酸適中,加了幾粒辣椒,立即開胃。

點了三碟蝦子撈,麵質彈牙煙韌,蝦子份量足夠,每條麵條也沾有蝦子鹹香味。水餃,豬肉蝦肉份量平均,加上少許木耳絲,近期我個人覺得最好食的水餃。牛根牛腩夠腍,鵝腸爽脆。

注: 竹昇麵是使用竹竿(廣東人因「竿」音不吉利而改稱「昇」)壓製的麵條,多是用鴨蛋做的全蛋麵。竹昇麵師傅坐在竹昇(一桿大茅竹竿)的一端,重複用力下壓竹昇另一端下的麵團,壓薄後再切成麵條。




劉森記麵家
深水埗桂林街48號地下


注: 鄰近深水埗地鐵站 , 泊車可到長沙灣政府合署。

2012年11月23日星期五

週末好去處 梳乎厘餐廳

對上水唔多熟悉,行來行去係呢間最有眼緣,入去坐下廚房前,通過大玻璃可以見到廚師正忙著。要了兩個晚餐,再加一客白酒煮蜆。很快白酒煮蜆到,酒味香濃,蜆肉亦好新鮮香甜。主菜鴨脾椰菜卷及雞卷亦到,好少見西餐會有鴨脾,鴨肉嫩滑,其實好食,但不知為何會有陳記燒鵝的影子。椰菜卷製作認真,餡料先焗,包上椰菜再焗,功夫真不少呢! 

餐廳招牌係梳乎厘,當然要試下啦,一個原味,一個薑味呀,唔該! 睇住廚師由蛋白開始打,放入焗爐,睇住佢升,真開心。我比較喜歡薑味,淡淡的,相對,原味比較甜。



梳乎厘 Souffle
上水馬會道170號地舖


注: 鄰近上水火車站,附近有咪表位,當日我地誤打誤撞,免費泊係對面上水游泳池停車場。

2012年11月21日星期三

盛記麵家

老板B哥把每月農曆十六日定為「長者開心日」,為沙田瀝源區內100位長者免費提供麵食,就是呢份暖意令我到來食個麵。店鋪內放了很多廢物再造的裝飾品,眼見有許冠傑,徐小鳳黑膠碟,寶物四處皆是,還有大量書本可以隨便拿來看的,人情味濃厚。

說回食物,要了雲吞麵,簡簡單單,雲吞爽,有蝦味,麵條軟硬適中。

還要提一點,醋不是紅浙醋,係鎮江黑醋,配麵條好夾呀。


盛記麵家
沙田瀝源熟食中心5號舖


注: 鄰近沙田火車站

2012年11月20日星期二

農家午市套餐

今天須要到上水,辦完事又到石湖墟市政大廈醫肚

到聞名已久的農家意粉餐廳,試試市政熟食中心的西餐。已往曾經多次到農場餐廳食晚餐,所以都有一些情意結,想回味一下當年的味道

今次叫了牛肝菌汁大蝦薄牛扒意連忌廉雞湯,湯及蒜茸飽立刻到,合格有餘。主菜反而等了十五分鐘以上,一定係落單後才煮的,一般快餐起碼都煎定扒啦。主菜到汁濃,牛肝菌很香,蝦爽,一定係新鮮煎的,牛扒雖薄,但還保留了肉汁,以$43的價錢,真係物超所值





農家意粉餐廳
上水石湖墟市政大廈2樓4號舖



注: 鄰近上水火車站


2012年11月19日星期一

果然係好到底麵家

不時在一田,吉之島及一些展銷會中見到 '好到底蝦子麵',價錢比一般蝦子麵貴,都不大明白。今天到正宗好到底麵家品嚐後,方知底蘊。麵底靚,無鹼水味,雲吞爽,一口一隻剛剛好,只是須要快食,免湯汁令麵條過



好到底麵家
元朗阜財街67號


注: 鄰近朗屏港鐵站 或 輕鐵大棠道站


2012年11月16日星期五

山澗會清新的一餐午飯


在網上見到關於山澗會資料知道係印尼私房菜今年六月邀約一班好友一行十一人到來老板葉先生一早已為我們準備好多款菜式多用他自家種的菜或香料葉先生很會用天然調味少鹽少油但可帶出食材本來味道糖水也用黑糖叫你食得放心

自家種粟米海鮮湯  湯甜到冇朋友, 每人起碼三碗印尼沙律加多加多翠瓜  充滿花生乾荵香黃薑醬豬頸肉 - 黃薑醬不辣但香, 非常醒胃銀魚仔大蝦茄子  就係多呢幾粒銀魚仔, 帶出整個沙律鮮味椰子蜜糖煎魚  好享椰子味, 食落甜甜地, 原來葉先生話落了蜜糖 令到煎香了的魚都不會熱氣, !菠蘿牛腩  出名作, 但可能我對呢味太大期望, 雖然香料好有東南亞菜特色, 可是不是我杯茶荷葉飯  好豐富, 鮮蝦及蟹肉鮮味全滲入飯內紫米露, 畫上完美的句號








山澗會
粉嶺沙頭角道丹竹坑新屋仔

有心人還上載架車片段,包無蕩失路。門外提供數個車位,須交 $20 泊車費。


http://www.youtube.com/watch?v=k9w5zAX_zGY



2012年11月14日星期三

東記豬扒麵

要數豬扒,到大埔無可能唔數東記。即叫即炸肉質鬆軟及有肉汁,果然名不虛傳。但個人對東記的麵食就無甚好感粗麵同幼麵都太沒有口感不是我杯茶。雙拼麵還可選雪菜肉絲筍絲肉絲菜肉餃子或牛腩。今次選了牛腩,夠香夠,還算合格






東記上海麵
大埔鄉事會街8號大埔墟街市及熟食中心2樓CSF27舖


注:鄰近大埔墟火車站區內亦有多個咪表車位, 可供停泊