大時大節唔想同人迫,可以選擇西餐,今次到粉嶺比較新的一間 AM Kitchen,睇 menu 發現兩個系列,一係五六十元簡單套餐,另一選擇係百二至近二百元比較精緻的。
我點了中價七十多元的地中海燴牛尾意粉,友人則點貴價的烤荷蘭大蘑菇芝士牛肉漢堡伴薯條、斯里蘭卡石斑配蜆肉磨菇汁。先來周打魚湯,一點也不馬虎,一點點魚肉在湯內,只是欠一片梳打餅就完美。牛尾炆得夠腍入味,而且有多件,好抵食喎。至於漢堡亦唔錯,最好食係烤大蘑菇,菇味非常香濃,而石斑亦係靚材料,絕非龍脷之流,肉質細嫩有魚味。有誠意的餐廳,值得再去。
AM kitchen
粉嶺聯和墟和豐街56號地下
注:鄰近粉嶺火車站,區內亦有多個咪表車位, 可供停泊
得閒睇下我的專頁丫 ^^