2014年12月28日星期日

季季紅風味酒家

季季紅有米豬,選用不到20日大的乳豬,先將蝦米混合米飯炒香,再塞滿原隻乳豬,然後燒香。乳豬內香外脆,乳豬內的蝦米炒飯吸收了豬的肉汁及油香,連同香脆乳豬同食,非常惹味,名不虛傳。這份量索價 $660 屬抵食之選。由於份量不少,今晚我們只再點豬肺頂蝴蝶腩燉菜膽湯,帶子豆腐及薑汁芥蘭,水準都很不錯。






季季紅風味酒家
沙田大涌橋路20-30號河畔花園33號地下及1樓


注:鄰近麗豪酒店區內亦有多個咪表車位或時租停車場, 可供停泊

得閒睇下我的專頁丫 ^^



2014年12月19日星期五

懷舊點心

提早做冬,約了長輩一同食午飯,得悉龍湖居供應多款懷舊點心,特意帶長輩嘗嘗。鵪鶉蛋燒賣、懷舊雞窩包、高湯炸粉果、懷舊糯米包都不錯,可惜鮮橙紙包骨不是真的紙包著炸,失原有風味。最後點了星洲炒米,炒得非常乾身,不油不膩,十分香口。











龍湖居
銅鑼灣謝斐道496號金利文廣場二樓


注: 鄰近銅鑼灣地鐵站,信和廣場有時租停車場。


得閒睇下我的專頁丫 ^^



2014年12月11日星期四

沙田第一城 All Day breakfast


一段時間沒有到沙田第一城,置富接管商場後陸續有新食店加入,今日食的 All day breakfast 是一個不錯的選擇。四十多元餐包括炒蘑菇、雞肉牛肉腸各一、甜椒奄列及新鮮沙律菜連熱飲,非常豐富,難得用不錯的食材,舒適的環境,擺設精緻,營養均衡的一餐。






La Kaffa
沙田第一城中心地下G93B號店舖



注 : 鄰近第一城地鐵站沙田第一城提供時租車位


得閒睇下我的專頁丫 ^^


2014年12月8日星期一

金陶軒

位於香港童軍中心8樓的金陶軒,一向水準穩定,名菜包括麗影紅紗卷、脆皮牛腩、脆皮椰子雞同今次都有點的糖醋小排骨。糖醋小排骨上菜時非常熱,甜酸汁剛好掛上,沒有多餘的汁或油,入口香脆,酸甜味道適中。再來白靈芝菰干燒牛柳粒,火候夠,炒得非常嫩滑。正常叫白飯時,侍應提醒我們點了金菜鴨肉窩窩頭,對,不用那麼多飯,真體貼。


另叫了兩味懷舊菜,家鄉煎釀鯪魚,不是坊間的炸至脆口,反而燴返個汁,食落無咁熱氣,又不會蓋過魚味及陳皮香味。雞蛋焗魚腸焗得非常靚,面香脆,內餡豐富,魚肝魚腸有齊,加點胡椒粉,實在美味。







金陶軒
佐敦柯士甸道8號香港童軍中心8樓



注: 鄰近佐敦鐵站香港童軍中心有時租停車場及附近有咪錶位

得閒睇下我的專頁丫 ^^


2014年12月2日星期二

上水食蛇羮

秋風起,三蛇肥。又到食蛇的季節,特意到上水食碗蛇羮。喔,拉咗閘,行近睇到告示才知道已搬遷至新祥街,虛驚一場。又來個蛇羹套餐,包括一碗大蛇羹、細蛇湯、鴛鴦腸糯米飯 $130,再來蛇汁雞飯連細蛇湯 $55。蛇羹非常足料,味道一流,食後無味精反應。糯米飯好乾身,口感軟糯,不會太油膩。雞肉滑一滑,蛇湯配上藥材,這個時候正好補身,食完暖笠笠。






蛇王兄茶餐廳
上水新祥街





注: 鄰近上水地鐵站,附近有大量咪錶車位。

得閒睇下我的專頁丫 ^^


朱古力杏仁曲奇

近期焗了這款曲奇,外形美觀又好味,最美好係簡單易做,係度同你哋分享。

先將牛油放至室溫,加糖打至滑身,再加入蛋,拌至全混合。麵粉及朱古力粉過篩,拌至不見粉粒,最後加入杏仁片。用保鮮紙包起麵糰,放入長方形盒,如保鮮紙或錫紙盒,再放進冰格雪,雪硬了就可以切一片片放入爐焗,170c焗15分鐘就可以啦。

材料:

牛油 200g
低筋粉 260g
糖 120g
蛋 1隻
朱古力粉 30g
杏仁片100g


得閒睇下我的專頁丫 ^^

https://www.facebook.com/juliatsui88?



2014年11月26日星期三

Parkview Restaurant

到沙田食午餐,到Parkview係一個穩陣的選擇。點了安格斯法包及英式早餐 附餐湯或沙律,菜是新鮮爽甜的,六款餐包任選,配上番茄醬或黑醋欖油,不錯。英式早餐先到,用上靚煙肉,煎至脆口,牛肉腸亦不遜,太陽蛋屬指定動作,一切做足功夫。法包等得比較耐,原來即煎安格斯,法包烘至外脆內軟,配上 少許 blue cheese 增添味蕾刺激,感覺有趣,很想再食再食。




Parkview Restaurant
沙田沙田正街18號新城市廣場一期1樓117號舖


注 : 鄰近沙田地鐵站,新城市廣場提供時租車位


得閒睇下我的專頁丫 ^^

2014年11月16日星期日

假日平價自助餐

今日午餐係銅鑼灣富豪食自助午餐,中銀卡有半價,都算抵㗎。今期主打泰式,有泰式綠咖喱、香茅豬扒、辣椒炒菜,睇個檔口set得幾有特色。最好食係印度食品如咖喱羊,咖哩鷹嘴豆等,竟然唔記得影個格局,真失敗。沙律菜尤其新鮮,唔駛落醬,咬落d菜又甜又水份足。甜品當然唔會錯過,最喜歡芒果拿破崙,蘋果卷 Apple Strudel 加 custard 都不錯喔!











御花園咖啡室
銅鑼灣怡和街88號富豪香港酒店1樓


注: 鄰近銅鑼灣地鐵站,富豪酒店則有時租停車場。



得閒睇下我的專頁丫 ^^
https://www.facebook.com/juliatsui88?

2014年11月15日星期六

自家製腸粉

在家做腸粉不困難喔,可以加入自己喜愛的餡料,成為獨特自家風味腸粉。

材料:
粘米粉 75g
木薯粉 45g
水 320g
油 2茶匙
鹽 少許

餡料:
蔥花 適量
叉燒 適量
炒香芝麻 少許

把材料全部拌至均勻,在大碟上塗上少許油,倒入適量粉漿,放上叉燒及蔥花或其他餡料,蒸3-5分鐘,一熟就離火,立刻用膠划刀捲起,灑上芝麻即可食用。









得閒睇下我的專頁丫 ^^

https://www.facebook.com/juliatsui88?

2014年11月10日星期一

又係大蕃薯

又嚟大蕃薯啦,今次點了炭燒安格斯牛仔骨,炭燒8安士安格斯牛柳配鮮胡椒汁,紅酒燴牛尾配雜菌菜飯。先嚟忌廉湯,隔咗一排無嚟,忌廉重咗,湯濃又香。先來牛尾,雖然酒味不濃,但牛尾腍滑肉味夠。跟住牛柳及牛仔骨到,一看便知食材靚,炭燒味香,牛柳腍牛仔骨有嚼勁,水準比以往高,或許這就是有競爭就有進步的道理。








大蕃薯
粉嶺聯和墟聯昌街7號


注:鄰近粉嶺火車站區內亦有多個咪表車位, 可供停泊

得閒睇下我的專頁丫 ^^