相約友人閒話家常，友人提議堅尼地城這家以龍蝦湯牛角包聞名的享慢煮意，All Day set menu 提供 2 course $168 或 3 course $228 選擇，正考慮要唔要貪心d食埋甜品時，店員提議可先叫牛角包及主菜，之後才決定要否轉3 course 添加甜品，也好。
龍蝦湯流心牛角包，牛角包質素好，層層鬆脆，切開流出龍蝦湯味道亦濃郁，不過量不算多，若果湯夠熱就更理想。
主打法式慢煮，多款菜式加入泰式元素，就試試慢烤美國雞胸伴青咖喱&南瓜蓉及冬蔭龍蝦汁燴海鮮，湯汁用了多款香料，冬蔭公味道香濃，沒有很辣，拌飯吃也很不錯，辣度點到即止，香而不嗆喉。至於慢烤雞胸是嫩滑，但雞味淡，靠醬汁提味。
結果女士們總是有位放甜品的，點了2款 signature dish，=。真空慢煮法式焦糖燉蛋，燉蛋以真空慢煮的方式製作，焦糖香脆，蛋香滑之餘又被菠蘿蓉香味吸引，這道fusion 甜品果然好特色。另一款椰子雪糕Gelato配風乾鳳梨及紫糯米，椰香滿滿，加埋鳳梨乾淨添泰式風味，紫糯米好有口感，可是雪凍了令紫米稍硬，早利亞覺得煮透點會更啱口味。
餐廳環境裝潢別緻有格調，座位寬敞，坐得舒適，不過要留意有時限，當天坐了個半小時。結果跟友人要到附近的咖啡店再繼續傾偈，還好堅尼地城實在有很多特色Cafe 選擇。
享慢煮意 Fast Gourmet
西環堅尼地城卑路乍街150號加多近山地下A號舖
註: 鄰近堅尼地城站，士美非路市政大廈提供時租車位，附近有泊車咪錶位
