九龍灣德福二期MUJI無印良品，衣食住行乜都有，多款即食咖喱配即食飯或薄餅Naan麵粉及即沖湯品令生活好方便，迷你日式超市有「食材市集」及「茶米工房」，好多都係日本直送，甚至日本農場直送。
MUJI挑選來自北海道、山形縣及長野縣的稻米，共有白米、五分米及玄米三種，全都是以天然方式種植，原米來港，再進行精米工序，非常新鮮。茶葉方面，由專業茶藝師搭配出適合於各時段飲用的調配茶，享受大自然的香氣，本月推薦茶飲有適合早上飲的接骨木花洋甘菊阿薩母紅茶及適合午後飲的琉球桂花紅茶。
早利亞行一個圈都忍唔到手買咗零食同即烘麵包做早餐，鯷魚意大利軟心包鹹鹹香香好特別，回家入爐烘熱會變回脆皮，口感更好，而黑芝麻黃梅合桃包餡料足亦有芝麻香，讚。嚟緊11月MUJI旗艦店將會係皇室堡地庫開業，佔地超過二萬呎，好期待喔～
