2014年10月30日星期四

Next Station Dessert

比較少行旺角黑布街,原來集合了不少甜品店,今天來到 Next Station,試咗幾款特色甜品。烏結糖芭菲,造型型格,杏仁味香濃。暖朱古力泡沫,暖朱古力慕斯內臟雪糕及酒浸櫻桃,味道未夠突出。另一甜點綠茶心太軟,流心綠茶味好濃,配綠茶雪糕,非常滋味。最後的栗香紫薯山,造型更見設計者心思,紫蕃薯蓉本身的甜加雲呢拿雪糕十分配,再加栗蓉香,不錯的配搭。











Next Station Dessert
旺角黑布街13號地舖


注 : 鄰近旺角或旺角站地鐵站附近有時租車位或咪錶位


得閒睇下我的專頁丫 ^^

2014年10月27日星期一

鼎泰豐

從來都無得訂位,成日都大排長龍的鼎泰豐,當然要食小籠包。皮薄,充滿湯汁,筷子夾起還可盪來盪去,加點薑絲醋,美妙。再來  蝦煎餃,香脆而有肉汁,蝦仁炒飯炒得粒粒分明不油膩,最後來的排骨湯麵則較遜色,排骨乾了一點,麵倒幼滑有嚼勁。











鼎泰豐
銅鑼灣怡和街68號地下



注: 鄰近銅鑼灣地鐵站,富豪酒店則有時租停車場。



得閒睇下我的專頁丫 ^^
https://www.facebook.com/juliatsui88?


2014年10月21日星期二

山東阿純

早利亞星期六剛剛去阿純度食咗山東菜。流亭豬手係涼菜,味道剛好,口感彈牙,豐富骨膠原,女士恩物呀。山東清潤滋補羊肉湯,夠香夠羶,不吃得羊的會退避三舍,但對我呢個羊痴來說,真係感動。今天不打算食餃子,所以點了山東燒雞麵,山東燒雞當然又滑又美味,麵好明顯係自己拉的,有咬勁。最後來個羊肉大葱餡餅及榨菜肉粒配叉子燒餅,都是即叫即做,味道一流。











阿純山東餃子
太子荔枝角道60號地舖



注: 鄰近太子鐵站,附近有時租停車場及咪錶位。

得閒睇下我的專頁丫 ^^


2014年10月16日星期四

麵麵店

一直知道小儀做事一絲不苟,對食物有要求,相信佢打理的車仔麵店會食得很放心。今次到來要了三碗包括粗麵、油麵及河粉。而餸方面就選豬心、豬腸、牛腩、蘿蔔、酸齋、沙葛餃、鹵水蛋、腩肉片、時菜。好耐冇食過豬心,爽口入味冇得彈,酸齋新鮮酸度剛好,沙葛餃爽甜,牛腩腩肉片夠肥夠腍,其他亦做好本份。值得一提係薑酒湯底好特別,食落好舒服,友人飲晒成碗湯也沒有口乾。最可惜我不懂辣,相信佢嘅麻辣蓮藕會更精彩。姍姍來遲的炸鯪魚球配上蜆介醬,落單才新鮮炸起,鹹香脆口。

$40 一碗四餸車仔麵,足料又美味,今時今日香港地,去邊度搵?








麵麵店
大角咀埃華街116-118號大英樓地下



注 : 鄰近佐敦地鐵站地鐵站附近有時租車位或咪錶位


得閒睇下我的專頁丫 ^^




2014年10月13日星期一

山東餃子店

今天比預期早了一點到粉嶺食晚飯,想食輕量點,選擇了山東餃子。我們點了京蔥羊肉餃、韭菜豬肉餃、芹菜豬肉餃,都是重口味的,放入口亦絕對分到每種味道,值得讚。坊間偷工減料的餃子吃落味道都一樣,沒有性格。吃餃子怎少得生蒜鎮江醋,味道才對勁吧。後來再追加了冬菇豬肉餃,冬菇香外還包了木耳,豐富了口感。鹵肉炒麵還算不錯,油份落得很克制。

這店另一主打係糖水,就點了芝麻糊試一試手勢,甜度剛好食得舒服,可是芝麻不夠香,浪費了一番心機。











山東餃子店
粉嶺聯和墟聯盛街2-4號友興樓地下B號舖



注:鄰近粉嶺火車站區內亦有多個咪表車位, 可供停泊

得閒睇下我的專頁丫 ^^

2014年10月6日星期一

尖沙咀粉麵小店

越來越難係尖沙咀搵輕食,租金令平民食品都變天價,好彩厚福街還有幾間小店,想食簡簡單單牛腩河可以到明苑,牛腩夠腍河粉滑, $25 好抵食。另再叫瑞士雞翼一丁連熱飲,雞翼樣子麻麻,還好食落到係甜甜的,切合名字,一丁烹煮時間剛好,令整體加分,$32 算合理。







明苑粥麵小廚茶餐廳
尖沙咀厚福街11A地下

注 : 鄰近尖沙咀地鐵站及尖東地鐵站,K11提供時租車位


得閒睇下我的專頁丫 ^^