2013年9月30日星期一

香港大學校友會

同一大班朋友聚首一堂,幸運地包括港大校友,有緣係位於中環的香港大學校友會食餐懷舊菜。打頭陣為鳳尾蝦多士,呢味依家好少食,多士脆口,蝦肉彈牙。跟住個杏汁白肺湯,十足材料,絕無味精,真係清潤得無朋友。菠蘿咕嚕肉係用山楂做,酸味來得自然唔搶喉,火候又剛剛好,掛汁後仍然皮脆。不得不提係陳皮牛肉餅,足料靚陳皮,手剢牛肉質感認真唔同。最後的糯米飯同生磨合桃露,靚靚的完結這餐飯,滿足。





香港大學校友會
中環德己立街2號業豐大廈101室



注: 鄰近中環地鐵站


得閒睇下我的專頁丫 ^^
https://www.facebook.com/juliatsui88?

2013年9月26日星期四

御花園自助餐

中秋一大班人聚首,有大有細,食自助餐都係一個不錯選擇。

魚生、沙律、生果都屬一般。其中印度咖喱羊及咖喱雜菜非常正宗,可惜薄餅濕了點,所以我選了法式粿麥包配搭,正。另一特色係泰式料理,包括蔗蝦、蝦餅、冬蔭功、炒麵、即煮湯粉麵都有不錯的水準。

甜品款式很多,但質素一般,其中以奶凍我最欣賞。估不到沒多人留意的豆腐花出奇地滑,友人添了再添。

以打折後不用二百大元的自助餐來說,算抵玩抵食啦。



御花園咖啡室
銅鑼灣怡和街88號富豪香港酒店1樓



注: 鄰近銅鑼灣地鐵站,鄰近有時租停車場。


得閒睇下我的專頁丫 ^^


2013年9月24日星期二

澳門豬扒包

想食豬扒包,唔一定要去澳門,大利來記係香港開了好幾間分店。今天試了,包係脆的,豬扒係香的,但點解有咁大舊骨?變得食得唔爽,唔可以大啖咬,尷尷尬尬咁咬走條骨先可以盡情享受。



澳門大利來記豬扒包
沙田橫壆街2-16號沙田中心3樓25K號舖



注: 鄰近沙田地鐵站


得閒睇下我的專頁丫 ^^
https://www.facebook.com/juliatsui88?

2013年9月20日星期五

中秋節快樂

今年還是好幸運可以賞到半島嘉麟樓的奶皇月,但比起以往兩年,我覺得乾身了點,皮很易碎開,味道還是很香。另試了榮華的豆沙栗子蓉及黑芝麻一口餅,粒粒紅豆配栗子香,而黑芝麻則似濃濃芝麻糊,雖不似月餅,但都是不錯的甜品。最開心還是收到從台灣來的迷你柚子及台灣芒,今年中秋水果夠特別啦。




得閒睇下我的專頁丫 ^^



2013年9月19日星期四

英國篇:market 覓食

碰啱星期天,可以到英國出名的 Sunday market,除了蔬菜水果外,往往還有大小熟食檔口,各國美食也可找到,如用地道豬肉腸做的熱狗、法式 crêpes、意大利的 Authentic Sicilian -
rice ball stuffed with hot salame, mozzarella, parmesan cheese。 遠處還傳來芝士香味,呢度用特製的燒爐,直接烤原裝芝士,把薯仔稍為搓爛,放上烤至軟身芝士,再配以酸青瓜,太精彩呢!






得閒睇下我的專頁丫 ^^


英國篇: 食扒記

到英國幾天都多食地道食品,今天走入呢間正式 Steakhouse 餐廳,品嚐 spare ribs 及羊扒。一見碟 spare ribs,有9條骨,非常足料,香、甜、濃,一條接一條,竟然輕易幹掉,配上酸菜絲沙律,減少肥膩感。羊扒亦烹調得出色,嫩滑非常,配上橄欖彩椒,味道豐富。




得閒睇下我的專頁丫 ^^



2013年9月18日星期三

英國篇:街坊 Bakery

係我住的 B&B 附近有一間 Bakery,由於係我去火車站必經之路,每天經過都可聞到新鮮麵包香。它是附近比較大型的麵包鋪,前面門市,後面工場,各式各樣的製品包括:農村麵包、scones、gingerbread man、éclairs、各式 pie、sausage roll 、cupcakes 、蛋糕及即製三文治或panini,包羅萬有、目不暇給。為咗佢,我真想搬來住呢!



得閒睇下我的專頁丫 ^^

英國篇: Fish & chips

英國出名的 fish & chips,我又怎會錯過呢?之前做過功課,到呢間英國有名的 The Sea Shell of Lisson Grove,呢間比較高級的餐廳其實都不算貴,主菜都係大概十幾磅。我就係佢嘅外賣部點了一客 harddock ,另加一客 cod 比較下。原來 harddock 肉質的確比 cod 細嫩。而比較街坊炸魚店,呢度明顯少油,夠脆,相信係由於油溫控制得剛剛好。



得閒睇下我的專頁丫 ^^


2013年9月17日星期二

英國篇:傳統甜品

到 Covent garden 行街街,見到著名餐廳 Balthazar旁邊有麵包甜品外賣部,立刻買了我最愛的 lemon meringue pie 同 apple pie。嘩,好傳統的味道,lemon meringue pie 酸到眼都瞌埋,但那檸檬清香使你又一啖一啖再食。Apple pie 亦做得好細膩,配上幾粒果仁,帶出多層次味道及口感。咁靚嘅批,卡路里再高都要嘗一嘗呢。


得閒睇下我的專頁丫 ^^


英國篇:英式 Cafe

英國住宅區附近必有小型 cafe,供應早、午及晚餐,都是地道食品,形式像我們的茶餐廳。今次到來就試了 Steak pie 同 Chicken kebab。當地人真係用靚牛肉粒炆腍後做批,充滿濃郁牛扒香味,食落與別不同。另一碟雞肉中東包,雞肉略嫌乾一點,但包包新鮮烙香,配什菜食非常正。注意,配菜一點都唔馬虎㗎。







得閒睇下我的專頁丫 ^^

2013年9月16日星期一

英國篇:English breakfast

英國回來多天,終於有時間寫在當地享用的地道美食。首先當然要介紹英式早餐。英式豬肉腸、煎太陽蛋、煙肉、炒磨菇,當然唔少得茄汁豆,加埋牛油多士及英式茶包奶茶,這個早餐可真豐富呢!






得閒睇下我的專頁丫 ^^

2013年9月15日星期日

英國篇:名牌三文治

係 Selfridge department store,有一款好受歡迎的咸牛肉三文治,所謂咸牛肉,係用上新鮮牛肉醃製,經過數小時蒸煮而成,師傅兩三下手勢切多片,每一份都會放上磅,品質肯定,配上英式芥辣同獨家醃製的酸青瓜,鹹酸中的平衡真係精彩。


得閒睇下我的專頁丫 ^^


2013年9月13日星期五

大圍強記

想起食乳鴿雞粥,強記係我其中一個選擇。碰巧白灼蝦特價,來半斤試吓,再點菜心炒牛肉同田雞煲。先來乳鴿,好像無乜味,蝦霉的,牛肉已嗱到無味,田雞係炸熟再煲仔上。

跌了 watt 的強記,可惜。



河畔強記雞粥海鮮酒家 Rivervine Keung Seafood Restaurant
沙田大涌橋路20-30號河畔花園地下




注: 附近有時租停車場。

得閒睇下我的專頁丫 ^^

2013年9月10日星期二

bistro

簡簡單單的一餐Sunday lunch,不花巧,不造作,完全係你想要的東西,我喜歡。




bistro bistro Cafe & Lounge
油塘高超道38號大本型商場天台花園R01號舖


注: 鄰近油塘地鐵站,大本型商場提供時租停車場。

得閒睇下我的專頁丫 ^^


2013年9月9日星期一

快樂餅店

果然不錯,椰撻皮薄、餡靚,甜度適中,最抵死係唔油,食得好舒服。雞批都好傳統,皮充滿牛油香,餡亦不馬虎,有一粒粒雞肉㗎。



快樂餅店
灣仔皇后大道東106號地下



注: 附近有時租停車場。

得閒睇下我的專頁丫 ^^




2013年9月6日星期五

西貢 fish & chips


近期西貢多了一間fish&chips專門店 Chip In,假日特意到來試試。確實佈置同配套都充滿英國風味,但當我要的炸魚來到我面前時,油淋淋的,肉質粗鞋,油溫控制唔好係致命傷,那就不用試其他嘢啦。立刻再去Camden Town,填補心中空虛。

一直對英國食品有情意結,不時也到來,可是今天的魚,一放入口中,立刻知道轉了魚柳,魚肉變得腍,沒有魚味,像鯰魚柳。心都淡了,我又少了一間食堂。





Chip In Fish & Chips
西貢敬民街9號高勝樓地下11號舖
Camden Town
西貢西貢海傍街49號



注: 附近有時租停車場。

得閒睇下我的專頁丫 ^^


2013年9月4日星期三

我的 Spaghetti Bolognese

今次煮呢個算係西洋快餐,Spaghetti Bolognese,港式叫番茄免牛意。

先將意粉用鹽水煮至七八成熟,隔水備用。

將洋蔥、紅蘿蔔同番茄切碎備用。燒熱隻鑊,加牛油或橄欖油,爆香洋蔥,加紅蘿蔔同番茄稍煮,再加入免治牛肉,炒香,加醬汁,煮十五分鐘左右放已熟意粉,煮至收汁就得。

貼士係,意粉煮生一點,再回鑊煮就不會過熟而淋晒啦。






得閒睇下我的專頁丫 ^^