2012年11月30日星期五

我想念的羊奶凍

大半年前,到大漠食過兩次晚飯,感覺非常正宗新疆菜,對於羊癡的我,印象深刻

今天再到大漠食午餐,本見到有特價午餐及提供學生價錢,心涼了一截,好在後來發現有新疆特色午餐要了新疆羊鞍飯及羊腩麵,另加疆式羊肉炒飯及紅毛九芽羊肉煎油酥餅

先來餐湯及餐茶,呢名為‘心心相印’的花茶,茶葉球浸在水中,慢慢地盛開成燦爛的花朵,單是欣賞已十分賞心悅目,而且茶味清香羊肉煎油酥餅新鮮蔬菜十足油酥餅香脆,一道十分好的前菜。主菜亦到了 羊羶味香濃羊腩亦充滿孜然香味羊肉炒飯帶少辣,就是這香辣,令人停不到口連唔食得辣的仔仔都一口炒飯,一啖水,太好味了

甜品當然係羊奶凍,味道比坊間的牛奶布甸香濃幼滑甜度適中,果然係我一直想念的



大漠
土瓜灣北帝街27號C地下


注: 區內有多個咪表車位 ,可供停泊,亦可到欣榮花園停車場

2012年11月29日星期四

自製果皮牛肉燒賣


因很喜歡食果皮重的牛肉燒賣, 坊間不易找到有質數的,所以自家研究。終於做得比較成功 好開心呀^^

只係我買不到白皮
, 只有用雲吞皮代住先啦...有無人可以話我知,邊到有得買呢 ?




得閒睇下我的專頁丫 ^^
https://www.facebook.com/juliatsui88?



2012年11月28日星期三

喀什米爾咖喱屋 Kashmir Curry House

年前係深水埗長沙灣道買了個牛肉薄餅,香又酥,一試難忘特式街頭美食。

今次到深水埗,路過北河街見有人聚集,八卦望下,係印度薄餅呀! 已八分飽的我依然忍不住要了一件雞蛋薄餅,淡淡蛋香,更嚐到薄餅原味。




喀什米爾咖喱屋 Kashmir Curry House
正店: 深水埗長沙灣道264D-G
分店: 北河街近公和荳品廠



注: 鄰近深水埗地鐵站, 泊車可到長沙灣政府合署。

2012年11月27日星期二

公和荳品廠

什麼比豆腐更多食法? 

要香,煎釀豆腐
要入味,浸釀豆卜
要甜品,可要豆腐花
要解渴,飲豆漿吧 !



公和荳品廠
深水埗北河街118號地下


注: 鄰近深水埗地鐵站 , 泊車可到長沙灣政府合署。

2012年11月26日星期一

竹昇麵專家

特地來到試聞名已久的蝦子竹昇麵,落了單後先試獨家醃製的酸蘿蔔,甜酸適中,加了幾粒辣椒,立即開胃。

點了三碟蝦子撈,麵質彈牙煙韌,蝦子份量足夠,每條麵條也沾有蝦子鹹香味。水餃,豬肉蝦肉份量平均,加上少許木耳絲,近期我個人覺得最好食的水餃。牛根牛腩夠腍,鵝腸爽脆。

注: 竹昇麵是使用竹竿(廣東人因「竿」音不吉利而改稱「昇」)壓製的麵條,多是用鴨蛋做的全蛋麵。竹昇麵師傅坐在竹昇(一桿大茅竹竿)的一端,重複用力下壓竹昇另一端下的麵團,壓薄後再切成麵條。




劉森記麵家
深水埗桂林街48號地下


注: 鄰近深水埗地鐵站 , 泊車可到長沙灣政府合署。

2012年11月23日星期五

週末好去處 梳乎厘餐廳

對上水唔多熟悉,行來行去係呢間最有眼緣,入去坐下廚房前,通過大玻璃可以見到廚師正忙著。要了兩個晚餐,再加一客白酒煮蜆。很快白酒煮蜆到,酒味香濃,蜆肉亦好新鮮香甜。主菜鴨脾椰菜卷及雞卷亦到,好少見西餐會有鴨脾,鴨肉嫩滑,其實好食,但不知為何會有陳記燒鵝的影子。椰菜卷製作認真,餡料先焗,包上椰菜再焗,功夫真不少呢! 

餐廳招牌係梳乎厘,當然要試下啦,一個原味,一個薑味呀,唔該! 睇住廚師由蛋白開始打,放入焗爐,睇住佢升,真開心。我比較喜歡薑味,淡淡的,相對,原味比較甜。



梳乎厘 Souffle
上水馬會道170號地舖


注: 鄰近上水火車站,附近有咪表位,當日我地誤打誤撞,免費泊係對面上水游泳池停車場。

2012年11月21日星期三

盛記麵家

老板B哥把每月農曆十六日定為「長者開心日」,為沙田瀝源區內100位長者免費提供麵食,就是呢份暖意令我到來食個麵。店鋪內放了很多廢物再造的裝飾品,眼見有許冠傑,徐小鳳黑膠碟,寶物四處皆是,還有大量書本可以隨便拿來看的,人情味濃厚。

說回食物,要了雲吞麵,簡簡單單,雲吞爽,有蝦味,麵條軟硬適中。

還要提一點,醋不是紅浙醋,係鎮江黑醋,配麵條好夾呀。


盛記麵家
沙田瀝源熟食中心5號舖


注: 鄰近沙田火車站

2012年11月20日星期二

農家午市套餐

今天須要到上水,辦完事又到石湖墟市政大廈醫肚

到聞名已久的農家意粉餐廳,試試市政熟食中心的西餐。已往曾經多次到農場餐廳食晚餐,所以都有一些情意結,想回味一下當年的味道

今次叫了牛肝菌汁大蝦薄牛扒意連忌廉雞湯,湯及蒜茸飽立刻到,合格有餘。主菜反而等了十五分鐘以上,一定係落單後才煮的,一般快餐起碼都煎定扒啦。主菜到汁濃,牛肝菌很香,蝦爽,一定係新鮮煎的,牛扒雖薄,但還保留了肉汁,以$43的價錢,真係物超所值





農家意粉餐廳
上水石湖墟市政大廈2樓4號舖



注: 鄰近上水火車站


2012年11月19日星期一

果然係好到底麵家

不時在一田,吉之島及一些展銷會中見到 '好到底蝦子麵',價錢比一般蝦子麵貴,都不大明白。今天到正宗好到底麵家品嚐後,方知底蘊。麵底靚,無鹼水味,雲吞爽,一口一隻剛剛好,只是須要快食,免湯汁令麵條過



好到底麵家
元朗阜財街67號


注: 鄰近朗屏港鐵站 或 輕鐵大棠道站


2012年11月16日星期五

山澗會清新的一餐午飯


在網上見到關於山澗會資料知道係印尼私房菜今年六月邀約一班好友一行十一人到來老板葉先生一早已為我們準備好多款菜式多用他自家種的菜或香料葉先生很會用天然調味少鹽少油但可帶出食材本來味道糖水也用黑糖叫你食得放心

自家種粟米海鮮湯  湯甜到冇朋友, 每人起碼三碗印尼沙律加多加多翠瓜  充滿花生乾荵香黃薑醬豬頸肉 - 黃薑醬不辣但香, 非常醒胃銀魚仔大蝦茄子  就係多呢幾粒銀魚仔, 帶出整個沙律鮮味椰子蜜糖煎魚  好享椰子味, 食落甜甜地, 原來葉先生話落了蜜糖 令到煎香了的魚都不會熱氣, !菠蘿牛腩  出名作, 但可能我對呢味太大期望, 雖然香料好有東南亞菜特色, 可是不是我杯茶荷葉飯  好豐富, 鮮蝦及蟹肉鮮味全滲入飯內紫米露, 畫上完美的句號








山澗會
粉嶺沙頭角道丹竹坑新屋仔

有心人還上載架車片段,包無蕩失路。門外提供數個車位,須交 $20 泊車費。


http://www.youtube.com/watch?v=k9w5zAX_zGY



2012年11月14日星期三

東記豬扒麵

要數豬扒,到大埔無可能唔數東記。即叫即炸肉質鬆軟及有肉汁,果然名不虛傳。但個人對東記的麵食就無甚好感粗麵同幼麵都太沒有口感不是我杯茶。雙拼麵還可選雪菜肉絲筍絲肉絲菜肉餃子或牛腩。今次選了牛腩,夠香夠,還算合格






東記上海麵
大埔鄉事會街8號大埔墟街市及熟食中心2樓CSF27舖


注:鄰近大埔墟火車站區內亦有多個咪表車位, 可供停泊

2012年11月13日星期二

懷舊夾餅

兒時最愛放學後 找街頭的車仔檔叔叔買件夾餅大大的鐵 夾餅對接切成三份

近年走遍各區都找不到這種夾餅心有不甘

今天終於立下決心自己研究 就這樣自家製夾餅成功了我還改了用比較健康的黃糖黑芝麻及腰果碎太好味了



得閒睇下我的專頁丫 ^^
https://www.facebook.com/juliatsui88?


2012年11月12日星期一

失望的上海菜

間中都會到滬江用餐, 水準穩定

今次點了套餐, 前菜:雞絲粉皮, 素鵝, 鎮江肴肉, 主菜:蜜豆蝦仁, 回鍋肉, 糖醋魚塊

包麵點:上海粗炒,小籠包感覺太似預早煮定,沒有靈魂的 好在小籠包 keep 住水準,皮薄湯汁靚

甜品高麗豆沙:好正,勝在新鮮,提供果醬及糖霜伴吃,還是喜歡糖霜



滬江大飯店
銅鑼灣波斯富街99號利舞臺廣場17樓B室






注: 鄰近銅鑼灣港鐵站

2012年11月9日星期五

特濃朱古力蛋糕

又一仔仔下午茶至愛,朱古力味香濃, 加杯牛奶,仔仔食到停唔到口^^


得閒睇下我的專頁丫 ^^
https://www.facebook.com/juliatsui88?

\



週末好去處沙田茵


位於 沙田大埔道7米半 沙田茵係我老公的最愛 一直喜歡同全家去郊外行山 更喜愛係室外用膳所以就不時來呢間沙田茵。今年沙田茵裝了多部冷氣 夏天去可以好舒服

沙田茵食的是印尼菜 先來一碟前菜 加多加多。呢個係一味印尼沙律 青瓜芽菜、豆角、豆腐、雞蛋、加上很香花生味的印尼花生醬 再加上仔仔最喜愛的印尼蝦片很有特色。

今次叫了豬及羊沙嗲各五支還是用呢個有20年以上的爐上保持沙嗲溫度及香味 正
食住沙嗲 豬肉卷到了 腐皮包豬肉炸, 香口又野味

之後 就是有水準的炒米粉炒貴刁及炒飯美味及完美的一餐




沙田茵餐廳
沙田大埔道7米半


注:餐廳內有少量車位, 可供停泊


2012年11月8日星期四

神秘的白鴨

聽聞大埔墟街市及熟食中心內有間食白鹵水鴨,一直不知道呢間燒臘店有提供白鴨,心癢癢好想試,今天終於有機會了。望了餐牌多次都找不到白鴨,為有問店員姨姨,要了白鴨併叉燒瀨  白醋薑絲醬, ^^

妹記燒味小廚
大埔鄉事會街8號大埔墟街市及熟食中心2CFS19,21











2012年11月7日星期三

韓點好像貴了點

路過希雲大廈的韓點很多次, 至今午才有機會試試

點了雜菜水晶粉絲及韓式魚蛋,味道可以,粉絲還算爽口,韓式魚蛋是片狀的,還算有魚味,但以 外賣 $33 及 $12 來說,似乎貴一點


韓點
銅鑼灣禮頓道128-138號希雲大廈地下2號舖




2012年11月6日星期二

伍仔記小菜


第一次到位於大埔墟街市及熟食中心的伍仔記, 充滿期望, 人山人海, 不到6時半已滿座。叫了客家豆腐, 中式牛柳及蒸白鱔。不到數分鐘客家豆腐到, 雖然在沸騰, 但豆腐內還是凍的, 都是因為太趕, 太心急啦師傅。之後等了半個鐘有多, 但都值得等中式牛柳香而濃蒸白鱔件件靚。



2012年11月5日星期一

仔仔的下午茶點心

仔仔一向愛蛋, 就設計呢款雞蛋多士盒給他做下午茶吧^^




得閒睇下我的專頁丫 ^^
https://www.facebook.com/juliatsui88?


2012年11月4日星期日

窩心的尚館

原址係銀杏館, 尚館一樣聘用長者,讓他們老有所為。長者侍應既有禮貌亦殷勤,只是一杯暖和剛好入口的水已令我感覺非常窩心。今天到來要了兩個午餐, 燴羊肉及原條鱸魚。先來特式廚師沙律, 新鮮有菜味,我連橄欖油同黑醋都唔洗落。磨菇湯濃,香草番茄飽正。主菜到, 羊肉夠香夠腍, 魚肉甜及 juicy。在我食店字典中, 又多一間餐廳了。


尚館 Sante Gourmet
佐敦廟街269號地下


2012年11月3日星期六

不合格的水餃麵

到大圍辦點事, 遲了食午餐, 知道一間老點的粉麵用足材料, 以往食過牛腩麵, 味道香濃, 麵質清爽。今次忽然想食清一點, 叫了水餃麵。麵來了, 一見麵的顏色, 心一沉, 麵給煮得過火, 須用最快速度幹掉 水餃大大隻, 但太豐滿而不爽口, 不是我杯茶 


百利粥麵
大圍積德里19號地下






布袋澳海鮮餐

秋高氣爽, 一早就到郊外吸吸新鮮空氣。經過多次西貢失敗的經驗, 還是乖乖的到布袋澳食海鮮餐。只係飲個海鮮湯, 已值回票價, 沒有花巧, 沒有多餘的收飾, 就係踏實的魚湯, 加上蒸魚鮮,炒蜆甜, 好食到無朋友。

海鮮島海鮮酒家
西貢清水灣布袋澳7號B舖


我愛煲仔飯

秋風起, 又到食煲仔飯時候啦! 又到我最愛的大埔覓食, 陳漢記固然係首選, 但如果等不到位, 旁邊的苑記粉麵茶餐廳都是不錯的選擇 。決定不到要白鱔還是黃鱔, 一個肥美, 一個補身, 貪心地叫了白鱔排骨煲仔飯 及 黃鱔煲仔飯, 果然沒有失望, 美味又滿足的一餐。

陳漢記粥麵專家
大埔運頭街91B地下



Popcorn 覓食


到Popcorn 覓食多次都失望而回, 今次到Pokka希望有少少招牌效應, 不會太差。 點了特式三文治, 美式拼盤 都是為仔仔, 牛柳則是試試廚師功夫。突然發現有飲得的骨膠原乳酪飲, 立刻叫一杯來。果然無失望, 食品穩穩陣陣, 飲料亦見清新。

Pokka Cafe Grill Specialist
Popcorn




深水埗一天遊

昨天小妹需要到深水埗一趟, 順道到權權推介的八仙餅家, 買了皮蛋酥, 大合桃酥, 大老婆餅及杏仁餅。雖然有小合桃酥, 小老婆餅供應, 現代人可能食得方便, 但小妹還是喜愛傳統的大件裝, 返屋企沖壺茶開個餅同家人分享都溫暖點。
權權推介:八仙餅家
深水埗南昌街197號地下

附近亦有間聞名已久的中式糕點舖, 小妹當然選擇了最出名的九層芝麻糕,層層分明,芝麻味香濃。另一選擇係多豆缽仔糕, 但小妹試完還是鍾情大埔有記茶果。
坤記糕品專家
深水埗福華街115-117號北河商場地下10號舖

最後自己醫肚, 到維記食碗豬潤牛肉米, 滿足^^
維記咖啡粉麵
深水埗福榮街62號及66號地下及北河街165-167號地下D號






期待已久的竹蔗粥

期待已久, 一直希望嘗一下權權介紹的竹蔗粥, 果然味道清甜, 腸粉亦比平日市區甚至我最喜愛的大埔區還要滑, 醬亦好香, 真材實料, 沒有加水, 真係要比個 like 佢


要彈的話...只係杯五花茶甜了點 ^^


梁家權推介: 東莞佬粥店
上水石湖墟市政大廈2樓9號舖