2014年2月27日星期四

梨泰園韓國餐廳

農曆年間到尖沙咀食韓國菜,不須要排隊,食物也很快上。小碟先到,味味清新。牛肉蓋飯係家常飯,好有媽媽感覺。烤牛肉石鍋拌飯味道濃,加辣醬拌均,惹味非常。最後來的海鮮泡菜餅,質感像班戟多一點,估唔到咁好味,值得推介。













梨泰園韓國餐廳
尖沙咀柯士甸路18號A僑豐大厦地下


注 : 鄰近尖沙咀地鐵站及尖東地鐵站附近有時租車位或咪錶位


得閒睇下我的專頁丫 ^^

2014年2月21日星期五

山下隱世拉麵


一向都提早同老人家食團年飯,所以正年三十那晚就隨便食一點簡單晚餐。到上水行行,竟發覺平日要排隊的隱世拉麵山下有開門營業,立刻進去坐下,來碗黑蒜拉麵、沾麵、餃子及炸蠔。餃子皮薄餡靚、炸蠔新鮮熱辣、初入口覺得普通、但竟然有頗重的蠔味,讚。黑蒜拉麵味道令人好舒服,黑蒜不搶味,仲飲晒d湯。沾麵更加令你一啖接一啖,每撮麵浸落湯,拉起一點肉絲,放進口內,煙煙靭美味無窮,味覺同口感嘅享受。













麺家山下
上水新康街63號地下D3-D4號鋪



注: 鄰近上水地鐵站,區內亦有多個咪表車位, 可供停泊。

得閒睇下我的專頁丫 ^^


2014年2月14日星期五

適雅餐廳

位於上水的老牌西餐廳,一邊係酒吧,另一邊則是餐廳。今晚叫了一客西冷、一客牛柳及一碟牛脷燴意。牛扒質素不錯,西冷牛肉味香濃、牛柳腍、牛脷亦夠火候。薯菜一點也不敷衍,忌廉焗薯配小紅蘿蔔同刀豆。想食西餐又多一選擇。今晚食情人節餐都唔錯㗎。









適雅餐廳
上水符興街35-39號




注: 鄰近上水地鐵站,區內亦有多個咪表車位, 可供停泊。

得閒睇下我的專頁丫 ^^

2014年2月12日星期三

大都烤鴨

農曆年間到尖沙咀食烤鴨,年前已到過大都烤鴨,期待。我們一行六人,要了一隻鴨,兩食選擇鴨鬆麥包,再選多款前菜、主菜及點心。鎮江餚肉味道香濃,蠔油磨菇刀功一流。烤鴨先來半隻,一碟有半隻皮?不可能吧。須知之前先比我哋睇過隻鴨,不小的喔。味道亦遜色,無鴨香,跟住再來另一半隻已沒有希望。年糕紅燒肉味道麻麻,肉質嚡肥油不融化,唔合格。小籠包無肉味,芝麻餅亦不香。食品走了樣,可惜可惜。




















大都烤鴨
尖沙咀河內道18號K11購物藝術館2樓221號舖


 注 : 鄰近尖沙咀地鐵站及尖東地鐵站,K11提供時租車位


得閒睇下我的專頁丫 ^^

2014年2月10日星期一

檳城小屋紅磡

今天閒來到紅磡檳城小屋,竟發現小店會經營到二月中結業,老闆娘話好難請人,已經營了十數年都無辦法,有緣來到一定要食一餐。既然係蝦麵之王,當然要點,叫了魚片蝦摻摻,即米粉加麵,湯底蝦味濃郁,一定用了大量蝦頭熬製。檳城炒粿條,鑊氣夠,芽菜還炒得脆脆的,足料包括坊間少見的獅蚶,海南雞飯飯香雞滑,醬汁亦好正宗,聽說老闆娘係檳城人,經常會到老家入貨。斑蘭咖央多士亦沒有令我失望。只是每食到對胃口,有誠意的小店,本應興奮的心情,無辦法不因為知道只有多一星期就結業而感到可惜。香港有良心,有誠意,有實力的小食店,還有生存空間嗎?








檳城小屋
紅磡崇潔街20號地下



注 : 鄰近紅磡站附近有時租車位或咪錶位


得閒睇下我的專頁丫 ^^

2014年2月5日星期三

基圍小館


多謝雀哥哥提示,發現適雅餐廳對面有間基圍小館,出面燈光火著,非常多人,好有大排檔feel,一於試下先。店子係以潮州菜為主,冬天還可打邊爐,我哋點了鹵水鴨,鹵水豆腐,蠔餅,蘿蔔牛腩煲。鹵水還算香,可惜唔係鹵水鵝,鵝始終會多點鵝油香。鹵水豆腐先煮一煮再上,又香又滑。蠔餅賣相差,但味道幾好,不是想像中咁熱氣,餸也不可以貌相。最後來的牛腩煲,件件腍滑,蘿蔔清甜。姐姐服務細心,整體食得舒服,怪不得咁多人,還經常要排隊,想食就要早點來了。





基圍小館
上水新勤街27-35 號新寶大廈地下E舖



 注: 鄰近上水地鐵站,區內亦有多個咪表車位, 可供停泊。

得閒睇下我的專頁丫 ^^

2014年2月4日星期二

分子雪糕

行完花市,到大坑找食,路經聞名已久的Lab Made,見到路人無論大小都抵受唔到分子雪糕的誘惑,原本無想過食雪糕的我也步入排隊行列。今次要了焦糖燉蛋,雖然知道科學的理論,但眼見煙霧彌漫,心情不禁興奮起來,活像個小朋友等姐姐特別為自己做的雪糕。姐姐還說同糖片一齊食會好味啲,雪糕果然又白又滑,味道清香,奶味濃郁,加糖片會引出燉蛋味道,下次要試下黑白豆腐花先。



Lab Made 分子雪糕專門店  
大坑布朗街6號地下


注: 鄰近天后地鐵站,附近有咪錶車位。


得閒睇下我的專頁丫 ^^