2014年1月28日星期二

金華拼康年

今日去旺角,辦完事想食少少下午茶點心,去康年買件拿破崙蛋糕及雞批,我最喜愛康年的拿破崙蛋糕,餅脆合桃香,甜度適中。再行前到金華,它的菠蘿包真係名副其實,皮香脆包軟熟,等不到外賣回家已立即入我五臟廟啦。另再買雞尾包及雞批,回家研究研究。其實兩隻雞批都唔錯,但我比較喜歡金華的,批皮充滿牛油香,亦有粒粒雞肉。不過,雞尾包就真係麻麻,包唔香餡料又少,沒有下次。


金華冰廳
太子弼街47號地下

康年餐廳
旺角西洋菜南街103-105號地舖



注: 鄰近旺角或旺角東地鐵站,區內亦有多個咪表車位, 可供停泊。

得閒睇下我的專頁丫 ^^

2014年1月27日星期一

郊外煮飯仔

風和日麗,正好郊遊。今次買埋炭爐,真正炭燒煲仔飯。出發第一站到牛肉舖買$20免治牛肉,真係少得可憐,用預先調好的醃料處理,收水落牛肉,離火落雞蛋。本來因我不想直接食生蛋,所以焗一焗,可是焗耐咗,變咗熟蛋,可惜!好彩另一煲譚強臘腸排骨飯,時間拿捏得準一點,又香又美味 。



得閒睇下我的專頁, 比個 like 我的專頁丫 ^^

2014年1月22日星期三

漁農嘉年華後報告

今日先得閒報告上次係漁農嘉年華後的晚餐。當天,我買咗有機蘿蔔、有機黑豆豆芽,咁我就加埋本地鯇魚同本地排骨,煮咗蘿蔔豆芽煮魚,又甜又健康,黑豆豆芽味道特別,多咗黑豆香味,白蘿蔔皮花唔靚仔,但超甜及有濃濃蘿蔔味。



得閒睇下我的專頁, 比個 like 我的專頁丫 ^^

小南洋

今天來到油塘的大本營,聽聞小南洋的海南雞好正,特來試試。果然海南雞又靚又滑,汁料都可以,計四十多元一個海南雞飯好抵,加四元還可以轉飲薏米水,正氣好多。但那巴東牛肉飯就好差,或我不喜歡那重重的香料,牛肉亦過牛肉乾,忘記它吧。補叫一客鮮牛油架央多士,可是實物一到,對比餐牌,失望到極點,價值$14的,不需咁慳料吧。



小南洋
油塘高超道38號大本型3樓大食代





注: 鄰近油塘地鐵站,大本型有時租停車場。


得閒睇下我的專頁丫 ^^

2014年1月17日星期五

瓏門小廚

間中係小巷子會找到美味小館,像今天係粉嶺,𨍭角處見到招牌寫上山東燒雞,吸引我入去。小館子大約二十個座位。除了山東燒雞外,我們還點了麻婆豆腐菜飯及紅燒豬手。燒雞手撕上,淋上醬汁,非常野味。豬手賣相麻麻,炇得夠火候,肉一掂就離骨,味濃但不過鹹。好一陣子沒有嚐到咁香還有麻辣味的麻婆豆腐,名符其實。有些時侯,小店用心做飯,味道真的比大型連鎖店好。




瓏門小廚
粉嶺和隆街40-42C地下


注:鄰近粉嶺火車站區內亦有多個咪表車位, 可供停泊

得閒睇下我的專頁丫 ^^


2014年1月14日星期二

天祥順德美食

朋友介紹,想食順德美食去黃大仙天祥,位於大成街街市的熟食中心二樓,而街市有多個入口,需要問問街坊才找到。先點煎釀鯪魚,將鯪魚起肉,打至彈牙,加冬菇蝦米,釀回魚內,半煎炸,非常香口但比較熱氣一點。荔芋扣肉,南乳汁好香,荔芋鬆化,扣肉入口溶化,送飯一流。東江豆腐煲,清清地,又正氣。最後來的薑蔥炒雞,鑊氣夠,薑蔥香,雞有雞味,估不到咁好食。今天我哋比較遲來,沒有那麼多客人,老闆可以閒同我哋傾下計,又介紹其他食品,非常隨和,對食物誠意十足,味味都係功夫菜,還有多個菜留待下次再試吧




天祥順德美食
黃大仙彩虹道121號大成街街市大樓2樓



注: 鄰近黃大仙鐵站,附近有時租停車場及咪錶位。

得閒睇下我的專頁丫 ^^


2014年1月6日星期一

新漢記飯店

又係一班人聚埋,最好食餐飽嘅時間。今次食客家菜,到粉嶺新漢記,當然要試出晒名的走地雞,皮薄無脂肪,肉質有趙口,還有淡淡的雞味。老闆話今日有野生黃鱲倉,提議用豆泡豆角炆,鮮甜美味,果真無介紹錯。客家菜怎可缺少炆豬腩肉,另叫了炆鴨,個人比較喜歡豬腩肉,雖然吃了比較有罪惡感。再來清清地炒什菜,一點也不敷衍,炒得爽爽的。另一味老媽子釀苦瓜亦做得出色,苦瓜一點也不苦,甘甘的味道配合釀豬肉,又可送兩碗飯。以鮑汁鵝掌麵埋尾,麵吸盡鮑汁精華,令人回味。



新漢記飯店
粉嶺聯和墟聯和道5號


注:鄰近粉嶺火車站區內亦有多個咪表車位, 可供停泊

得閒睇下我的專頁丫 ^^

2014年1月2日星期四

金不換泰國餐廳

今年做冬攪下新意思食泰國菜。因為同老人家一齊,不想食太多油膩煎炸食物,所以没有叫拼盤,改為肉碎生菜包同燒豬頸肉,不過不失,醬汁則非常惹味。做冬必要叫隻雞,泰皇雞似炸子雞加個酸甜獻汁,香囗而肉質嫩滑。青咖哩雞,加配兩客法飽,美味非常,另加兩碗白飯也吃光。最後來個招牌菜蛋網炒貴刁,討好的造型,夠鑊氣的貴刁,令人食完一碗又一碗。位於銅鑼灣利舞台廣場內,想必租金昂貴,以每様百元其實合理,可是那兩客法飽,每客4片,竟收我$48一客,等於$12一片,坊間我可買整條長法飽,是否過份點呢?





金不換泰國餐廳
銅鑼灣波斯富街99號利舞臺廣場6樓C-D舖



注: 鄰近銅鑼灣地鐵站,時代廣場有時租停車場。


得閒睇下我的專頁丫 ^^