經過天園餃子買返盒餃子今晚食先，店子最特別吸引早利亞的係白胡椒雜菌鮮豬肉餃，好想試多樣，但店子沒有拼合售賣，唯有先來一打，下次再試西洋菜豬肉餃及香茜豬肉餃。
準備晚餐時，先煮滾水，放入餃子，再滾時加一小碗室温水繼續煮，重複再做多一次，餃子浮起就熟了。餃子外型討好，皮好滑，餡料因加了雜菌多了口感，但白胡椒落得重手，喜歡的朋友一定覺得好過癮，食唔得咁辣的朋友就要注意喔～
2023年8月26日星期六
八方小籠包
早前土瓜灣搵食，見到八方有專門店做小籠包，拿拿聲入座，當然第一樣點小籠包$36，明顯即叫即蒸，包得飽滿雖然湯汁不多，味道還算有鮮味唔錯噃。試試湯麵，叫咗嫩雞煨麵$52，上枱感覺平平，一般家常菜色，幸好無味精感覺，合格啦。店子有是日廚師推介，本來想食鱔糊，不過京燒羊腩 好似特別d，果然有驚喜，乾身脆口有羊味，份量足，$138都抵食。本來諗住叫流沙金球做甜品，好想試試這款奶黃煎堆仔，不過太飽唯有下次先啦～
八方小籠包
土瓜灣北帝街39號
2023年8月24日星期四
粉嶺老牌西餐雅士餐廳
好耐無入粉嶺，諗起老牌西餐雅士餐廳，今次就去懷舊下，店子晚市扒餐約二百多起。先來餐湯周打魚湯，濃稠度及味道剛好。友人點了扒銀鱈魚拼牛柳餐，銀鱈魚肥美，牛柳 medium rare 都做得到。早利亞則選了 T 骨牛扒餐，份量十足，可惜牛肉味道唔突出，加多d感情分搭夠咁啦。最後甜品係經典啫喱，今次唔係以往經常嘅綠色啫喱嘅，哈哈，早利亞最鐘意加多多花奶～
雅士餐廳 Deluxe Restaurant
粉嶺聯和墟和豐街23號龍景樓地下
2023年8月22日星期二
入麵
石門呢間入麵，顧名思義係食麵食為主嘅台式店子，今次其實係想喺石門買晚飯外賣，見到佢嘅晚飯套餐有回味醬骨架吸引了早利亞，於是就買了2set，可配日式、麻香、口水汁或薑蔥蒜撈麵，另亦可選配番茄湯麵、麻辣湯麵、豬骨湯麵，真係好多選擇。每款套餐配一杯台式飲品，可選珍珠奶茶、冬瓜茶、白桃綠茶或荔枝玉露，仲要係冷熱同價。
回味醬骨架炆得又香又腍，好食呀，溏心鹵蛋亦到位，配薑蔥蒜撈麵，個撈麵原本已經好有蒜香，真係唔錯。而薑母鴨我估有湯應該配飯，薑母鴨味道不算太重，薑味算溫和，可以撈飯或直接飲，鴨胸肉就有點柴，不過又真係鴨肉特性，髀肉就好些。
冬瓜茶及荔枝玉露都唔錯，下次記得叫少冰少甜，早利亞就飲得更開心。
入麵
沙田石門安群街3號京瑞廣場1期1樓151號舖
沙田石門安群街3號京瑞廣場1期1樓151號舖
訂閱：
文章 (Atom)