2013年12月30日星期一

殿糖級

近年大埔舊墟直街開了多間食肆,西式、日式、潮州、韓國鐵板燒都有。糖水舖都不遜色,今日試了殿糖級,一班朋友吃甜品,傾吓計,賞心樂事,而且可以試多款甜品,真合我貪心之意。由冷冰冰的雪糕紅豆黑白涼粉、心太軟配雪糕到熱騰騰的薑汁梳乎厘、原個椰皇燉3.6牛乳,最愛那鐵板雪糕蛋糕,有得玩之外味道又討好,誠意推介。



殿糖級 
大埔舊墟直街9號粵發大廈地下3號舖



注:鄰近太和火車站區內亦有多個咪表車位, 可供停泊

得閒睇下我的專頁丫 ^^


                                             

2013年12月23日星期一

外賣@炊豕店

近住丹麥餅店,開咗一間小食店,吸引大家的目光係店主搜集了多懷舊物品做裝飾,店內黑板大大隻字解釋店名來源。炊豕店 (音: 吹始)。炊 --- 即燒火做飯之意, 而豕 --- 即家豬。  一睇就知道此店是賣豬肉飯為主。今次趕住走,咁外賣啦,唔該。肉燥豬扒飯,酥香鬆軟豬扒配少許肉燥,味道濃,加兩條青菜,誠意之作。另肉燥鹵蛋撈麵,這家店的肉燥不是坊間絞肉做的馬虎貨色,而係炆煮切成小粒的五花肉,無論口感,味覺都有多重感受。牛腩撈麵味道是可以的,可是牛腩不是用靚部位肉質粗糙,少少鞋口,果然不及豬肉菜式。那小小一碗的大豆芽前菜,味道普通,但價錢一點也不普通,當一個飯或麵賣四十多元時,它要十九元,唔多合理吧。





炊豕店
銅鑼灣禮頓道122號地下


注: 鄰近銅鑼灣地鐵站,新寧道有時租停車場。


得閒睇下我的專頁丫 ^^

2013年12月18日星期三

yayoi 和風定食

見今日天氣靚靚,一於去科學園行下,原來有多間食肆進駐,今次選擇和風定食yayoi。點了澳洲和牛定食、沖繩苦瓜加豚肉定食及東京黑醬油豬軟骨拉麵。先來和牛,味道不過不失,但以$138一客來說,單薄了點吧。再來豬軟骨拉麵,無論豬肉、湯底同拉麵都不合格,不值一提。倒是沖繩苦瓜加豚肉給我驚喜,一嚐便知真正沖繩苦瓜,那獨特的甘苦味和半肥瘦豚肉的油甘香,配合得精彩。如將平價的大陸舊米改為泰國香米或日本米,捨棄難食的香精前菜,立刻可升格兩級。



花見月  Yayoi Japanese Dining Room
沙田白石角香港科學園尚湖樓地下S036號舖



注: 鄰近大學鐵站科學園提供時租車位


得閒睇下我的專頁丫 ^^


2013年12月12日星期四

Croissant + donut = cronut

今天又到名店朝聖,呢間由Amanda S 主理的甜品店,最近人氣急升,大家都想來嚐嚐cronut,由紐約大師傅Dominique Ansel發明的甜品,由法式牛角包同美式冬甩甜甜圈合體,Amanda呢度都有得食,果然圈圈中一層層脆口如牛角飽,雲里拿忌廉甜度適中。見到其他賣相討好的糕餅,無辦法不來多一件。今次選擇熱情果朱古力蛋糕,看似平平無奇,入口方知熱情果的酸同75%朱古力的苦甜,在嘴內產生多層次變化,太回味呢!



petite Amanda
中環港景街1號國際金融中心商場二期2樓2096號舖


注: 鄰近中環/香港地鐵站IFC提供時租車位


得閒睇下我的專頁丫 ^^
https://www.facebook.com/juliatsui88?

2013年12月9日星期一

陳六記飯店

陳六記的炭燒五層樓遠近馳名,件件五層肉,皮脆肉嫩,入口唔鹹,空口食唔覺唔覺食咗半碟。再嚟菜膽雞,好耐冇食剛剛熟的雞,骨中還是血紅色,滑一滑。薑蔥煀鯉,鯉魚滑、薑蔥香。魚腸焗蛋,魚腸重、有肝有潤,加胡椒粉才美味。鄰枱叫了滑蛋牛肉煲仔飯,果然隔離飯香,下次一定要試呢!




陳六記飯店
上水巡撫街4號


注: 鄰近上水鐵站,附近有時租停車場及咪錶位。

得閒睇下我的專頁丫 ^^

2013年12月2日星期一

香港雞皇

西貢有間雞皇,顧名思義係賣雞飯啦。佢嘅客家咸雞飯同海南雞飯好食唔出奇,就連牛腩亦有一手,腩腍味濃出眾,配河粉一流。如果唔想淨食雞,炆鴨飯都係唔錯的選擇。



香港雞皇
西貢福民路58-72號高富樓D座地下


注: 附近有時租停車場。

得閒睇下我的專頁丫 ^^

2013年11月28日星期四

懶人番茄紅蘿蔔炆牛肋條

天氣寒冷,炆個牛腩暖下身先。今次我用牛肋條,材料包括罐頭番茄,紅蘿蔔去皮切件,珍珠筍切段,牛肋條整條飛水待用。洋蔥切粒,橄欖油起鑊,爆香洋蔥,落牛肋條、罐頭番茄、紅蘿蔔、珍珠筍,再加水至剛蓋過材料。煮滾了後調小火,炆煮大約20分鐘後熄火,焗20-30分鐘再煮,如此重複兩三次至牛肋條肉腍。煮好我才將牛肋條切件,比較完整靚仔。




得閒睇下我的專頁丫 ^^

2013年11月25日星期一

我最愛的蛋治

澳洲牛奶公司的蛋治一定係我其中一個至愛,下午行過附近,都會找藉口來個下午茶。今天除了蛋治烘㡳外,還要了杏汁燉蛋同蛋白燉鲜奶。沒話說,甜度適中,滑一滑,蛋有蛋味,奶有奶味。



澳洲牛奶公司
佐敦白加士街47-49號地下




注: 鄰近佐敦鐵站,附近有時租停車場及咪錶位。

得閒睇下我的專頁丫 ^^


2013年11月21日星期四

九龍城一天遊

今天到九龍城,主力買潮州嘢同家人分享。先到創興買韭菜粿、筍粿、蘿蔔粿、水晶球及鳳凰卷,我很喜歡煎起斜切的鳳凰卷片,口感很好,爽爽,味道亦剛好。之後到元合買魚飯同魚蛋,今次選烏頭,大大條收$50,鮮味無窮,配普寧豆醬一流。魚蛋充滿魚味,爽口彈牙,加冬菜芫茜,滾個魚蛋湯無得彈最後到和記隆買綠豆潮州餅做甜品,很滿足喔。



創興食品公司
九龍城九龍城街市2樓M18

元合
九龍城衙前塱道72號

和記隆
九龍城打鼓嶺道7號地下

注: 九龍城廣場有時租停車場及附近咪錶位。

得閒睇下我的專頁丫 ^^

2013年11月18日星期一

蘭芳園


到中環辦點事,順道到蘭芳園歎下絲襪奶茶,再叫埋蔥油雞扒撈丁,豬扒飽及西多士,醫醫五藏廟先。永遠都咁多人,排隊到出馬路都有一點危險,好在食品很快送上,翻枱速度甚快。不到十分鐘,食物一様一様的送上。撈丁加上蔥油的確好香,鷄扒煎得皮脆肉嫩,豬扒飽不是硬豬,但烘過的餐包加秘製豬扒,超好食。西多士跟奶茶係大牌檔水準,非常滿足。

曾經到尖沙咀蘭芳園分店,相比之下,正店好食好多。題外話,繁忙時間,店內除了返工一族外,還有很多遊客,大多操普通話,店員非常有耐性地解釋,又提議食品配搭,比起某些高級餐廳還有人情味呢!

我由排隊到食完,前後都不到25分鐘,由於客人源源不絕咁嚟,每樣嘢都係即做,都做唔切㖭,唔新鮮都唔得啦!






蘭芳園 
中環結志街2號


注: 鄰近中環地鐵站中環中心及萬宜大廈提供時租車位


得閒睇下我的專頁丫 ^^
https://www.facebook.com/juliatsui88?


2013年11月17日星期日

阿純山東餃子

昨天到阿純山東餃子食餃子,依然美味。在租金及食材都非常昂貴的環境下,保持水準,價錢仍然大眾化,真抵讚。吃著時令的西洋菜餃,羊腩炆得羶香,多謝方太介紹,我們就認識多一個對食物有要求的老板,在當下現實的環境中,實在難得。


阿純山東餃子
太子荔枝角道60號地舖



注: 鄰近太子鐵站,附近有時租停車場及咪錶位。

得閒睇下我的專頁丫 ^^



2013年11月11日星期一

Tivoli 意大利餐廳

意大利餐廳係柯士甸道已屹立多年,食物甚有水準。餐湯都係傳統做法,我最愛它的雜菜湯,牛油還是逐粒逐粒用刀刮起的牛油花,鮮牛油香濃,同植物牛油真的沒法比。牛柳非常嫩,意大利雲呑充滿濃郁芝士味,非常滋味。想食傳統沒花巧的意大利菜,這是不錯的選擇。




 Tivoli 意大利餐廳
尖沙咀柯士甸道130號




注: 鄰近佐敦鐵站,附近有時租停車場及咪錶位

得閒睇下我的專頁丫 ^^

2013年11月8日星期五

旺記燒鵝

到大埔旺記燒鵝點心小廚一定要試燒鵝,再見到多款懷舊菜式,最後決定要豉汁蒸鱔及雞蛋焗魚腸,呢味功夫菜,現在沒有太多酒樓會做了。  燒鵝先到,皮脆肉嫩但沒有鵝味,唔知係唔係冰鮮鵝的關係,有少許辜負個招牌。好在蒸鱔又滑,味又夠濃。最後來的魚腸還給我驚喜,夠乾身,魚腸真的足料,沒有嬉場,陳皮足夠,再加胡椒粉,甘香美味。


旺記燒鵝點心小廚
大埔太和路翠怡花園4-6號地下


注: 鄰近有停車場,區內亦有多個咪表車位, 可供停泊

得閒睇下我的專頁丫 ^^



2013年11月6日星期三

海南餐廳

又想食海南嘢,近期幾次食海南雞飯的經驗令我不敢輕率選擇,直接跑到上環最有歷史的海南餐廳,吃個痛快。幾經思量,我們做了選擇。咖哩雞飯先到,海南咖哩充滿椰奶香味,雞亦入味,薯仔煮得腍透最好食。東山羊肉飯同嘉積鴨飯同時到,羊味香濃腍滑,鴨味清配雞油飯一流,例湯都不馬虎。到海南餐廳食總是想著杯珍多冰,只是今天的缺乏椰糖,用糖漿代替,美中不足。



海南餐廳
上環干諾道中130-131號誠信大廈地下


注: 鄰近上環地鐵站,林士街停車場有大量時租車位。


得閒睇下我的專頁丫 ^^
https://www.facebook.com/juliatsui88?



2013年11月1日星期五

蛇王兄茶餐廳

秋風起,三蛇肥。又到食蛇的季節,特意到上水食碗蛇羮。大多數蛇𡙡套餐都配上臘腸糯米飯,呢度有多一個選擇,可配蛇汁雞飯,沒有太重蛇味但雞肉是挺滑的。蛇羮用料十足,攞滿十分,蛇湯亦放有多種藥材,好采藥味不重,好味又補身。


蛇王兄茶餐廳
上水符興街16號A&B舖




注: 鄰近上水地鐵站,附近有大量咪錶車位。

得閒睇下我的專頁丫 ^^


2013年10月28日星期一

酒店內的阿鴻小吃

今次特意來晉薈都係為咗阿鴻小吃,當然要試一試鹵水拼盤。鹵水是很香,肉亦好入味,但這個拼盤值不值 $238 則見仁見智了。其他點心不過不失,未談得上精彩,還有進步空間。




晉薈
將軍澳唐德街3號香港九龍東智選假日酒店2樓


注: 鄰近將軍澳地鐵站,Popcorn商場有大量時租車位。


得閒睇下我的專頁丫 ^^



2013年10月23日星期三

要河粉定麵?

來洪記,坐下,你要河粉定麵?無錯,你只可以選擇河粉或麵,最叻都只係叫雙拼,因為洪記係出晒名獨沽一味賣魚蛋魚片,都係用新鮮魚打的,比起那些用機器大量製造的,多一分鮮味,雖然不是可以打乒乓咁彈牙,但就是那種真實的質感吸引我。獨特的魚皮,細細塊,炸得脆脆,香口有魚味。喜歡辣的朋友,加上辣椒油,更可提升魚蛋的鮮味。





洪記
大埔鄉事會街8號大埔墟街市及熟食中心2樓CFS4舖


注:鄰近大埔墟火車站區內亦有多個咪表車位, 可供停泊

得閒睇下我的專頁丫 ^^



2013年10月18日星期五

大埔手打竹昇麪

今天係平記食的係蝦子水餃撈,呢度出名手打竹昇麪,所以麵來到就要立刻食,咁就唔會浪費廚師的功夫及誠意。麵爽、水餃靚、蝦子甘香。



平記麵家 
大埔鄉事會街8號大埔墟街市及熟食中心2樓



注:鄰近大埔墟火車站區內亦有多個咪表車位, 可供停泊


得閒睇下我的專頁丫 ^^


2013年10月17日星期四

油渣麵

曾在深水埗嘗試油渣麵,還記得那油膩、滯胃的感覺,令我好一陣子對這食品有抗拒。今次到品記,見到佢最出名亦係油渣麵,即管試下。等了良久,一碗香噴噴的麵出現在我面前,原來 油渣係即炸的,而且處理得很好,完全沒有油浮面,真正好食的油渣麵是這樣吧!


品記麵食
大圍大圍村第十街6號地下



注 : 鄰近大圍地鐵站附近有多個咪表車位 ,可供停泊

得閒睇下我的專頁丫 ^^
https://www.facebook.com/juliatsui88?

2013年10月15日星期二

塔門食海鮮

天朗氣清,秋高氣爽,最適合郊遊。趁假期,約埋一班老友,到塔門行下山,食海鮮。 塔門真係好地方,海鮮靚,老板廚藝精,蒸海鮮時間拿捏得準確,大喜。

白灼海生蝦,鮮。蒜蓉粉絲蒸元貝,沒有多餘的豉油,鮮味蒜味配合得宜。清蒸鮑魚,拳頭咁大隻。椒鹽鮮魷加咖哩落炸粉槳內,香而不會搶去鮮味。客家炆豬肉不得了,三碗白飯不少得,滿足。



塔門新漢記海鮮酒
西貢塔門海傍大街4 號



注: 可乘94巴士或的士到黃石碼頭坐船過塔門


得閒睇下我的專頁丫 ^^
https://www.facebook.com/juliatsui88?

2013年10月11日星期五

Niji Bistro

今天到以蛋包飯聞名的Niji bistro,當然要試,另加一個牛肉便當。餐湯先來,配上牛角飽,雖然不算最新鮮,但誠意可嘉。 牛肉便富先到,很濃郁牛肉香,每一口都很回味。銀魚仔雖脆囗,但頭帶一點點苦味,美中不足。終於到期待已久的雞肉蛋包飯送來,外形討好,蛋香滑,炒飯亦不馬虎,難怪咁出名呢!



Niji Bistro
尖沙咀廣東道17號海港城港威商場3樓3208號舖




注: 鄰近尖沙咀地鐵站,附近有時租停車場。

得閒睇下我的專頁丫 ^^

2013年10月7日星期一

深井燒鵝

好耐冇去深井食燒鵝,掛住㖭!今天到深圳陳記正宗燒鵝,先來個燒鵝例牌,鵝味真係好香,肉味好重,正!另加檸檬蒸烏頭同馬拉盞通菜牛肉。檸檬蒸烏頭因加了泰式辣醬變得惹味,而馬拉盞通菜亦香辣開胃,奈何牛肉就「嗱」到無晒味道,似乎這是頗多傳統中式酒樓做法,可惜。




深井陳記燒鵝海鮮酒家
深井青山公路深井村63號地下



注: 鄰近有時租停車場


得閒睇下我的專頁丫 ^^
https://www.facebook.com/juliatsui88?

2013年10月3日星期四

佐敦尚館

到尚館食飯有一種溫暖的感覺,侍應都是有經驗的叔叔姨姨,總給我窩心的提議,連一杯水也幫我送上暖的。 羊扒、豚肉質素不用懷疑,薄pizza又香又脆,反而最後來的啫喱,雖然懷舊,明明是高級餐廳,格調及味道給比下去,不吃也吧!



尚館 Sante Gourmet
佐敦廟街269號地下



注: 鄰近佐敦鐵站,附近有時租停車場。

得閒睇下我的專頁丫 ^^


2013年9月30日星期一

香港大學校友會

同一大班朋友聚首一堂,幸運地包括港大校友,有緣係位於中環的香港大學校友會食餐懷舊菜。打頭陣為鳳尾蝦多士,呢味依家好少食,多士脆口,蝦肉彈牙。跟住個杏汁白肺湯,十足材料,絕無味精,真係清潤得無朋友。菠蘿咕嚕肉係用山楂做,酸味來得自然唔搶喉,火候又剛剛好,掛汁後仍然皮脆。不得不提係陳皮牛肉餅,足料靚陳皮,手剢牛肉質感認真唔同。最後的糯米飯同生磨合桃露,靚靚的完結這餐飯,滿足。





香港大學校友會
中環德己立街2號業豐大廈101室



注: 鄰近中環地鐵站


得閒睇下我的專頁丫 ^^
https://www.facebook.com/juliatsui88?