2014年8月28日星期四

老字號潮州菜

樂口福屹立九龍城幾十年,烹調潮州菜一絲不苟,鹵水一定要食,先嚟鵝片同鵝掌翼,鹵水香鵝肉嫩。再點幾味傳統小菜,荷包鱔、川椒雞、水瓜烙、豉椒鵝腸,味味都唔錯,尤其荷包鱔,用潮州鹹菜包厚切鱔同荀絲,大火隔水燉,鱔肉肥美,醬汁惹味。最後嚟個蠔仔粥,脹卜卜的蠔仔,鮮甜非常,滿足。













樂口福酒家
九龍城侯王道1-3號


注: 九龍城廣場有時租停車場及附近咪錶位。

得閒睇下我的專頁丫 ^^



2014年8月27日星期三

Pizza Express

想食有水準薄餅,pizza express 係其中一個選擇。先來個焗麵包球做前菜,附上3款醬包括Genovese 香草汁、亁番茄醬及蒜蓉牛油,各有特色,個人比較喜歡番茄乾濃縮了的滋味。凱撒沙律菜固然相當新鮮,附上的蒜蓉包都好香口。酸忌廉蟹肉意粉跟著到,這意粉內裏加上少許辣椒,食落有微辣調起味道,非常醒胃。再來肉醬千層闊麵,略嫌番茄汁多了點,我會期待乾身點。最後主角終於到,拉齊奧薄餅,配菜包括意大利煙肉、有機雞蛋、巴馬臣芝士、火箭菜,味道非常配合,餅皮薄而脆口,美味非常。






PizzaExpress
太古太古城高安閣G517號舖



注: 鄰近太古地鐵站,太古有時租停車場。


得閒睇下我的專頁丫 ^^


2014年8月18日星期一

漢和韓國料理

食過多次韓燒放題,韓和比較多選擇,豬丶羊、牛、雞都有齊,豬五花肉、肥牛、牛脷、多春魚、洋蔥、茄子等。除燒烤配料外,還有多款熟食,前菜萢菜、煎三文魚、菠菜薄餅、薑醋、數之不盡。甜品都有雪糕、豆腐花、雪耳糖水及各項糕點,其中我比較喜歡西米糕,椰汁香加入少少馬蹄肉所以爽口,飽飽都可吃兩個。










漢和韓國料理
銅鑼灣百德新街22-36號名珠城1樓



注: 鄰近銅鑼灣地鐵站,皇室堡有時租停車場。


得閒睇下我的專頁丫 ^^



2014年8月10日星期日

汶萊餐廳

汶萊餐廳 須要係順利邨附近食個快午餐,見到汶萊餐廳有海南雞飯,就試下,另加番茄牛脷意粉及葡國雞飯。牛脷意粉先到,葡國雞飯隨後到,兩碟都頗有水準,三四十元已交足貨。反而海南雞飯比較失望,飯油菜油雞無味,唔合格。






汶萊餐廳
九龍官塘順利邨利溢樓3樓E13 - E14號舖




注 : 鄰近順利邨巴士順利邨提供時租車位


得閒睇下我的專頁丫 ^^

2014年8月3日星期日

簡單杏仁酥

迷你杏仁酥非常適合派對,無論送酒或做餐後美點雙輝都可。材料簡單,毋須打蛋器,小型焗爐都搞得掂。 

材料: 

低筋粉 300g、
泡打粉 1茶匙、
蛋黃3隻、另一蛋黃掃餅面用
黃糖/紅糖 120g、
牛油菜油 130g、
杏仁粒適量  

做法: 

將低筋粉及泡打粉過篩,牛油在室溫下放軟身,再加入糖及蛋黃,搓成粉糰。這份量大約可做成七十多塊,所以我會將粉團分成3大份,每份約可再分成 24粒,搓成小圓餅,中間放上杏仁粒。焗爐預熱至 170°C ,掃上蛋黃後入爐焗約 20分鐘。

題外話:只用蛋黃,咁d蛋白點算呢?我就整埋蛋白燉奶,又多一個甜品,唔好浪費嘛。





得閒睇下我的專頁丫 ^^

https://www.facebook.com/juliatsui88?

2014年8月1日星期五

咪走雞

上中環半山現在方便很多,乘行人電梯比坐車還要快。見路旁有很多特色食肆,可惜無時間坐下品嘗。突然發現間 take away,主打賣雞,還有多款沙律,吸引喔。最後選了烤雞晚餐及千層麵。雞肉的確嫩滑,沙律菜非常新鮮,千層麵一點也不欺場,香料十足。










Chicken On the Run
半山太子台1號地下A舖



注 : 鄰近中環地鐵站中環中心提供時租車位附近或咪錶位


得閒睇下我的專頁丫 ^^