2014年3月31日星期一

梅林豬扒

到梅林必定食吉列豬扒定食,我想試多一款式,所以點了免治豚肉配烏冬。吉列豬扒當然沒有失望,而免治豚肉更是驚喜,外皮厚薄適中鬆脆,肉汁豐富,豬味香濃。定食包括飯同椰菜絲,飯香撲鼻,細心咀嚼後甜味慢慢滲出,椰菜絲亦新鮮非常,而且都是免費添加,對大胃口的朋友好體貼。










銀座梅林  Tonkatsu Ginza Bairin
沙田沙田正街18號新城市廣場一期7樓707號舖




注: 鄰近沙田地鐵站,沙田新城市提供時租停車場。

得閒睇下我的專頁丫 ^^



2014年3月24日星期一

Serious Burger 有幾認真

繼續思念漢堡,今次到西貢嘗美式漢堡,睇完個餐牌已好期待。點了Black Mushroom Angus Burger 安格斯牛肉蘑菇漢堡, The Serious Burger 雙層芝士漢堡 同 Steak Sandwich 燒薄牛扒三文治, 加 $25 可加薯條同飲品。

對於近百或過百元的漢堡我會有一定要求,等了十多廿分鐘,店員送上來,賣相已非常對辦。首先試份三文治,燒薄牛扒跟芝士番茄配合得宜,加上那煎得剛熟的雞蛋,非常美味。再來安格斯牛肉蘑菇漢堡,特厚漢堡牛肉,味道濃郁,一口咬下,感覺幸福。超大的Serious Burger,根本沒有可能整件放入口,只可以將佢變做兩件open sandwich,廚師見到都暈低。但估唔到件牛肉非常 juicy,加上煙肉帶出濃郁味道,芝士、生菜、洋蔥、番茄,配料豐富但不過份,認真回味,我認為呢個可能係其中一個香港最好食的美式漢堡。











Hong Kong Gourmet Burger Company 
西貢灣景街18號地下




注: 附近有時租停車場。

得閒睇下我的專頁丫 ^^

2014年3月19日星期三

本地漢堡飽

突然想食漢堡飽,重要係本地的,非到時新不可。來個雙層芝士漢堡加蛋,見到午餐有葡國雞意粉,再來多杯奶茶。店內位子不多,勝在廚師叔叔很怏手,所以人流頗快。每個飽都即叫即做,品質當然有保証。





時新快餐店
紅磡黃埔街1A地下




注: 鄰近紅磡港鐵站,提供時租停車場。

得閒睇下我的專頁丫 ^^



2014年3月11日星期二

充滿人情味的下午茶

去上環睇郵品展前食個下午茶先,瑞記係上環市政大廈出晒名,傳統茶檔奶茶入樽雪凍,茶味香濃,蛋牛包及西多都係即叫即做,叔叔好有人情味,有時間會同你傾兩句。見到個舊餐牌,仲係用中式碼寫價錢,現代小朋友未必識睇,非常懷舊。每個食客都明白叔叔要逐個逐個炒,無人會催促,大家都非常有耐性的等,食物來到面前就慢慢品嚐,完全沒有平日追追趕趕的感覺,好舒服呢!







瑞記咖啡
上環市政大廈2樓17號舖



注: 鄰近上環地鐵站,林士街停車場有大量時租車位。


得閒睇下我的專頁丫 ^^
https://www.facebook.com/juliatsui88?

2014年3月6日星期四

新大光燈


多年來聞名紅磡區的大光燈雲吞麵又重開了,我怎可不到來嘗一嘗久違了的炸醬麵。現在坊間比較難找到對板的炸醬麵,這類麵食,食客的責任就係立刻品嘗,眼前這碟無論色澤、香味都吸引我,麵質彈牙有口感,韭黃湯亦充滿大地魚的味道,真的要挑剔,我會覺得炸醬甜了點。另再要了豬手拼雲吞,豬手夠腍身,味道亦濃香,但雲吞就麻麻,不是我杯茶呢。








新大光燈
紅磡必嘉街69號E舖


注 : 鄰近紅磡站附近有時租車位或咪錶位


得閒睇下我的專頁丫 ^^

2014年3月4日星期二

Xpress Teppanyaki

旺角新世紀廣場裝修後 food court 多了好多選擇。今天到來,食平民鐵板燒,選取二人餐。先來南瓜清湯,清清地無味精。師傅在鐵板前一味一味的炒,先炒五色野菜,再來煙肉炒蛋,煎多春魚,最後牛肩及蒜香雞扒。以這個價錢,算合格有餘,食材不是最靚,但誠意十足,比起貴兩倍位於沙田的另一間鐵板燒還要好。















Xpress Teppanyaki
旺角太子道西193號新世紀廣場3樓食代館



注: 鄰近旺角東地鐵站,新世紀廣場提供時租停車場。

得閒睇下我的專頁丫 ^^