奇坊

見到某副刊作者 (特別聲明不是梁家權) 寫九龍城餐廳食材優質，廚師手勢精湛，今晚特意到來，點了廚師推介二人套餐，一次過可以試沙律、扒類及意粉。六道菜二人晚餐, 餐湯麵包沒特別，暖野菌沙律怪怪的，明明d菜好新鮮，但炒左d菇再加橄欖油，食到滿口油。扒6oz鈕西蘭西冷牛扒，廚師手勢可以，但不見得食材優質。意式香草海鮮扁意粉，還算美味，泰式腰果雞丁烤餅亦太油了，完全食不到什麼泰式味道。重災區係甜品，焦糖燉蛋，蛋唔滑就不要比人食啦，食兩啖就停口，唔好徙quota。$368 + 10% 買個教訓，不是每個作者都可信。

奇坊

九龍城賈炳達道128號九龍城廣場地庫11A-B號舖

注 : 附近有多個咪表車位 ，可供停泊，九龍城廣場亦提供時租車位。