今日嚟到中午多數都有條龍嘅燒肉 LIKE，第一時間走過去撳飛排隊，還好流量都快，行一陣返嚟就有位。店內沒有油煙感覺，除煙技術做得完善，另外座位設有獨立櫃桶放食具，亦有提供籃放私人物品，安排貼心。入座後掃描 QR code 點餐，跟住等，好彩有位醒目店員留意到早利亞，了解後先知未完成結帳，完成後數分鐘已經有店員送上套餐 Like 套餐 250g $135，包括有牛五花、牛舌及横膈膜肉。多款醬汁原味BBQ、蒜香、鹽味、辣味噌醬、韓式辣醬、胡麻醬、海鹽及黑胡椒，應該梗有一款啱你啦，早利亞呢就最鍾意牛五花蘸海鹽，重味的横膈膜跟蒜香汁最夾，牛舌就只係檸檬汁已經好鮮味爽口。套餐可以跟沙律或泡菜，想清爽所以揀沙律，燒得滿滿油香的牛五花包住沙律菜好滋味，爽口嘅牛舌包住飯食都好正，最後先食重味的横膈膜肉，比牛五花厚身香濃有嚼勁，跟一啖白飯好享受。
燒肉LIKE
沙田新城市廣場一期四樓408號舖
沒有留言:
發佈留言