好耐無嚟食餃子，一入門已見員工密密手擀皮包餃子，心中已在盤算今次食咩餡料好呢。原本見到可以掃QR code 落order，但手機upload 好慢，都係請店員幫手落單，先來京蔥羊肉餃、薺菜豬肉餃及洋蔥牛肉餡餅，一住等一住調教自己喜歡的鮮蒜蓉醋，期間又見到menu 嘅山東手撕雞有例牌，就多點一味。餃子即叫即淥，皮厚薄剛好，餡料香滑有肉汁，保持水準。反而山東雞就顯得平凡了，以往的香滑肉嫩跌咗watt，有點失望。最後嚟嘅洋蔥牛肉餡餅有驚喜，新鮮做起，等咗一陣都非常熱，皮煎得香脆，餡料非常多肉汁，下次試羊肉餡先。
阿純山東餃子
太子荔枝角道60號地舖
太子荔枝角道60號地舖
沒有留言:
發佈留言