約咗幾位朋友嚟食飯，鳳城當然叫順德名菜，枱上嘅粉紅色餐單有多款選擇，大多都可即叫，今餐只係焗布甸係預訂。先嚟5道大良炒鮮奶、鍋貼大明蝦、大良野雞卷、桂花炒魚肚、蜆介鯪魚球。覺得今晚師傅嘅炸物火候拿捏一般，尤其鍋貼大明蝦好多油份，似乎沒有大火迫返d油出嚟，所以取消原本想食嘅炸粉果，換嚟有水準的梅菜扣腩仔、蟹肉扒豆苗及炸子雞，最後同店員講可以上甜品，店員竟然沒有比早利亞影相已經分了蓮蓉焗西米布甸落細碗，好彩還算好味。整體味道可以，碟頭都唔細，除鍋貼大明蝦件數加至人數外，其他就只有焗西米布甸加到中size。而價錢幾划算，今餐每人$250。本來真係好想食灌湯餃，可惜晚市唔會供應點心，唯有搵一日嚟飲茶啦～
鳳城酒家
北角渣華道62-68號高發大廈地舖及1樓
沒有留言:
發佈留言