早利亞的美食感覺: 初遇紅燒牛肉麵

2024年11月13日星期三

初遇紅燒牛肉麵

好運中心早前翻新後首次過去搵食，又有Y Pasta，又有咖吔，又有順。越南牛肉粉，仲有豆漿大王等，可謂中西兼備，近中午12點多，正正午市最旺時候，好多家都要攞飛排隊，早利亞行遠些，去到後面轉角位有家初遇台式菜，等咗十分鐘後入座落order，先嚟圓肉紅棗茶，加了菊花及玫瑰花好香，再等多十多分鐘店員送上紅燒牛肉手工麵，賣相吸引，件件牛肉軟腍又有筋膜位，味道香濃，手工麵亦有咬口，最重要加埋酸菜先係台式味道，整體好滿足。