早利亞的美食感覺: 九龍城（I）

2025年3月17日星期一

九龍城（I）

九龍城即將重建，部分舖頭會遷往新地址繼續經營，但部分會選擇結業，趁仲有幾個月時間，早利亞希望可以多行幾趟，買多幾次特色產品，尤其當中潮州及泰式食品更加地道，其他區未必可以搵到咁獨特嘅店舖。今次同大家分享兩家，其中專賣潮州鹵味及各式魚蛋製品嘅唯豐潮州食品，早上11點左右到達，店員不停推出自家製嘅魚蛋牛丸等，仲有潮州小食蝦卷芋頭卷等。

再行過幾個舖位就係葉盛行食品公司，售賣多款地道嘅潮州乾貨濕貨，粿品糕點及魚飯等，想做頓潮州飯宴客，呢度應該可以搵到晒所有基本材料。早利亞買咗些粿品、蘿蔔卷及芋頭卷，韭菜粿味道都香，與上環曾記比較則皮有點厚，而兩條素卷煎香後就好香口，尤其鍾意芋頭卷。