2024年5月31日星期五

大眾麵家

今次講呢間小店主打餃子及麵食，店子有幾款套餐，有前菜小食及麵食，第一次早利亞就要咗 F 餐，因為想試試北京炸醬麵，早利亞唔想食炸雞翼要求轉滷水蛋，姨姨一口應承，好nice。先來涼拌土豆絲，爽口微微香辣，2隻水餃唔同口味都好食。等咗數分鐘先嚟北京炸醬麵，即叫即煮好新鮮，肉醬外還有芽菜及青瓜絲做配菜，口感爽脆，食前先撈勻醬汁，味道香濃帶陳醋香，好醒胃。

幾日後又要多油麻地，今次專程嚟食 A 餐，皆因上次見到鮮豬潤麵好吸引，先嚟拍黃瓜，水餃及滷水蛋。豬潤厚切，煮得啱啱好，軟滑又有口感。正在享受之際，突然肉香撲鼻而來，原來對面靚OL 叫咗紅燒肉麵，目測炆煮得軟腍好吸引，呢個係下個目標啦～





























大眾麵家
油麻地上海街177號地舖


發佈者： 於 沒有留言:
標籤：

2024年5月27日星期一

Bye bye 西貢炸魚薯條

開業12年的西貢炸魚薯條店 Chip in fish & chips 將於 31/5 結業啦，店子主打炸魚薯條及後製作馳名甜點炸 Oreo而聞名。今日專程到嚟食多餐，雖然佢哋有自家製 tartar sauce，但早利亞還是喜歡 salt & vinegar。即叫即炸，皮脆肉質靚，滑而有肉汁，仲有食得好滿足嘅肥仔薯條。好彩同老闆娘傾計時話比早利亞知，想再食 fish & chips 可以到尖東紅葉茶屋，現在做緊 crossover，星期五、六、日下午兩時後，提供炸魚套餐，希望有機會再見到你呀～












Chip In Fish & Chips
西貢敬民街9號高勝樓地下11號舖

紅葉茶屋（尖東店）
尖沙咀麼地道68號帝國中心UG樓50-57號舖

發佈者： 於 沒有留言:
標籤： ,

2024年5月24日星期五

陶源酒家特色點心


早前友人見網上有優惠就相約到灣仔陶源酒家食特色點心，三人行點了十樣點心，先嚟筍尖原隻鮮蝦餃及沙巴鮮蝦燒賣皇，蝦餃飽滿，有鮮味亦有筍尖粒，燒賣大件紮實，一口鮑魚鳳眼餃賣相吸引，早利亞先食鮑魚，慢慢咀嚼，有咬口但唔韌，可以喎，後食鳳眼餃，加埋裝飾的小蘆筍，唔錯噃。姬松茸遼參粉果晶瑩通透，外觀靚，菇味香，感覺似以前嘅上素蒸粉果。

翠綠小梨子其實係變奏版鹹水角，皮煙煙靱靱唔油膩，高湯魚肚鮮竹卷餡料豐富，不見天韮黃鮮蝦腸粉稍厚身，還好尚算滑及有米香，懷舊叉燒酥夠鬆，題外話，近期銅鑼灣幾間酒樓飲茶都唔見叉燒酥蹤影嘅。乾燒糯米釀雞翼係手工菜，做點心就細件些，只釀半隻中翼，每人一件，香口又唔會太大負擔，最後子薑皮蛋蝦春卷，第一啖以為普通春卷幾脆呀，食第二啖子薑就走出嚟啦，幾得意。整體好食，不過唔知係咪做咗宣傳，客人多咗，見到有些枱會有些意見，早利亞就順利無漏單呀～


























陶源酒家 灣仔菲林明道8號大同大廈1-2樓


發佈者： 於 沒有留言:
標籤：

2024年5月16日星期四

my kitchen tibetan fast food

早前經過油麻地橫街，見有幾位外國朋友在買外賣，好奇上前了解，原來店子係售賣地道西藏食品 Trandtional Tibetan Food，買了一個 Shabhalep Buffalo 水牛肉批試試，回家焗爐翻熱幾分鐘，外脆內軟，餡料水牛肉有點臊香味，不錯。上網搜查下，原來店子老闆係西藏人，特地做家鄉菜式，而且是Halal Certified，提供給同鄉，同時介紹比香港人，說到傳統Momo 餃子，老闆強調係來自西藏，不是尼泊爾喔。

過一星期再經過油麻地就專程過嚟再買多道菜及包子。Fried rice 雞肉炒飯，其中受歡迎菜式，重味微辣，有雞肉及其他配料，Galic chicken 大蒜雞比較辣，佐飯或跟Tingmo Bun 西藏聽沫包（沒有餡，類似饅頭，比較實淨）都可以，Steamed Beef momo 蒸牛肉餃子，正常餃子，肉餡腍少許肉汁，即食的話提議試煎的版本。Samosa 咖哩角近似印度咖喱角，內餡咖哩薯仔蓉都幾香，最後Shabhale 西藏麵包及Taipo Momo 大埔藏式肉包都頗類似，整件落油炸過，所以食前放焗爐翻熱會更好食。整體味道特別，用咗好多唔同香料，唔錯嘅體驗，以後異國風情又多一個選擇啦～


 


















My kitchen 
旺角西貢街2H號地舖

發佈者： 於 沒有留言:
標籤：
訂閱： 文章 (Atom)