2025年4月2日星期三

上水豬屋日本料理

上次專程到上水想食鳳鳴居醉雞湯米線，點知晚上6點幾都有人排隊，要排好幾張枱，咁就慢慢行下馬會道睇下邊度有位，咁啱見到呢家做日式便當都吸引就入去試試。嘟QR code 睇menu 真係有好多款式，最後揀咗2款人氣便當。

秋田便當 $94
前菜三文魚帶子刺身及味付螺肉，主菜吉列雞扒之外還有汁煮豬軟骨配咖哩飯，新鮮又好豐富。

薩摩便當 $108
前菜有好耐冇食嘅蟹籽加州卷及味付螺肉，主菜鹽燒安格斯封門柳肉味香濃，七味燒豬頸肉亦爽滑配咖哩飯，亦可選壽喜燒汁不過早利亞覺得咖哩汁比較好食，份量十足，食得滿足。































豬屋日本料理
發佈者： 於 沒有留言:
標籤：

2025年3月31日星期一

最後一次添財記

受重建影響，估唔到上到到九龍城添財記食碗牛肉拼艇仔粥已經係最後一次，老闆怕結業前人龍不絕影響質素，所以好遲先貼通告通知街坊。老闆表示其實無乜特別秘方，用傳統方法，使用大煲，唔打米漿唔或浸米，大火煲到綿滑，加上配料豐富，結業真係好可惜，希望老闆搵到適合嘅舖位重開啦～
















添財記粥粉麵咖啡
九龍城龍崗道35號


發佈者： 於 沒有留言:
標籤：

2025年3月27日星期四

漢發麵家灣仔店

喺灣仔搵食，諗起深水埗50年老字號漢發麵家年前喺灣仔開分店，去食佢嘅招牌菜豬潤麵同豬扒都好喎，行多2步到告士打道，雖已過1點半，但都要等2張枱，入座後同友人各點碗麵，再嚟客西多士。

牛肉公仔麵加太陽蛋 $42+$4，牛肉嫩滑夠味，豬潤公仔麵加豬扒 $52+$16，招牌厚切豬潤依然爽口，湯有點點薑味亦有酒香，豬扒大件厚身，鬆化入味，唔錯唔錯。店子沒有套餐，單點熱奶茶 $19。最後嚟嘅西多士 $42 即叫即做，用梳乎厘做法，先打起蛋白，再放入蛋黃，蛋漿包住整塊麵包，呈現圓邊，有別坊間做法，入口比較蓬鬆，唔會實的的。整體保持水準，上菜快，價錢比深水埗貴一點可以理解。



































漢發麵家
灣仔告士打道168號地舖


發佈者： 於 沒有留言:
標籤：

2025年3月25日星期二

粉嶺潮州王打冷

假日間中去粉嶺食晚飯，今次唔食西餐，又唔想食餃子，咁不如打冷啦。 先嚟滷水鵝片 $125，鹵水入味，豆腐嫩滑。烏頭 $148 肥美有魚油，蘸點普寧豆醬帶出鹹鮮味。本來友人最愛蠔餅 $75，這店子是用炸方式處理，香口但比較熱氣，雖然蠔仔好大粒，不過都係喜歡煎蠔餅多些。多叫2道小菜春菜排骨 $68及韭菜豬紅 $60，三人食得好滿足。















潮州王打冷
粉嶺聯和道賓苑75號地下


請讚好我的專頁 可以收到更多新資訊
也可以follow 我的 Instagram
發佈者： 於 沒有留言:
標籤：

2025年3月20日星期四

九龍城 （III）

行多2步到打鼓嶺道成興發，店子專做各種火鍋配料，包括有自家手工魚皮餃、魚扎、潮州白魚蛋、魚片、魚片頭、潮州扎肉、鮮墨魚丸、鮮墨魚條、鮮豬肉丸、鮮貢丸等，另一名物鮮炸有骨黃門鱔魚皮見到就要買，早利亞行遲一步，比前面哥哥買咗最後一包，下次要快手d啦。 

今次專誠過嚟買羊肉魚皮餃，店子表示「魚」加「羊」做成「鮮」，所以會試做坊間少見的羊肉魚皮餃，分別有香蔥味及孜然羊肉魚皮餃，早利亞選擇了香蔥味魚皮餃煮湯，羊肉味突出，羊肉控會好愛。

























成興發潮州食品公司 
發佈者： 於 沒有留言:
標籤：
訂閱： 文章 (Atom)