早利亞的美食感覺: 周記點心

2023年8月4日星期五

周記點心

位於西環的人氣口碑點心店周記近年係天后開咗間分店，依然有招牌菜芝麻蝦多士、鴛鴦燒賣等，早利亞到嚟買3款點心外賣，主要想食糯米包，山竹牛肉及鴛鴦燒賣，問問店員，好想食芝麻蝦多士，可是店員唔建議，外賣時間耐會影響品質，唯有放棄啦。早利亞自備外賣盒，3款點心即叫即蒸，需得十來分鐘，回家再蒸熱食，水準唔錯，味道恰到好處，堂食應該更好，可以食埋煎炸點心，店員表示可以致電訂位，搵日同埋屋企人嚟先，多人飲茶可以食多幾款。

題外話，埋單時可抽一張心意卡，望望幾張都有意思，店子好窩心。