今日三人行原本想去南豐紗廠，點知周圍都無得泊車，所以轉戰深井。好耐無嚟深井，多家燒鵝點揀好，跟據以往經驗，早利亞最後都選擇裕記。例牌下庄燒鵝$185 每日限量供應，店員立刻問師傅，好彩還有，再點2個餸，食住花生睇餐牌跟住等食。
燒鵝先到，第一時間叫碗瀨粉，食2件鵝後落埋碟下的鵝油撈瀨粉，油香豐富好滋味。下庄包括鵝下半部份連鵝髀，鵝味比一般坊間的濃香，鵝皮酥脆帶少許油脂，啖啖肉的鵝髀留比年少男士，而早利亞則喜愛近腹腔的部分，香料味道更濃。
蜆介鯪魚球半份$50，香口彈牙，調教過的蜆介醬增加香味又鹹味適中。
滑蛋鮮蝦仁 $98 蝦仁大隻爽口，炒蛋看似簡單，但要做到火候與技巧剛好不易，坊間多會油份過多。今日師傅做到蛋漿剛剛凝結，鬆軟香嫩而不油膩。薑蔥滑雞煲 $98 雞肉滑薑蔥香，佐飯一流。整頓飯食得舒服，店員友善，價錢不比市區貴，埋單$580，前菜花生只收 $8，偶然過嚟做遊客也不錯。
裕記大飯店
深井深康路9號地舖
註: 附近有裕記專用停車場，提供兩小時免費泊車
註: 附近有裕記專用停車場，提供兩小時免費泊車
沒有留言:
發佈留言