2017年11月7日星期二

精彩私房菜@Chef at home

提早個多月預訂的私房菜,店中共設三張大餐枱,而我們預訂了最大可坐14人的大枱,甚為期待。






第一道前菜黑松露鵝肝醬蒜茸包,蒜茸包烘得脆口,店員建議先塗鵝肝醬,跟著加蛋,最後放黑松露醬,入口微微辛辣,口感豐富。






八小碟可不小,碟碟份量充足,幾乎不能一起放在枱上。青瓜海蜇、話梅凍茄清爽,鹽燒鳳尾魚香脆,雞蛋焗蠔砵蠔味充足,一定要趁熱食,鎮江小排骨、鮑汁雞腳也很入味,麻醬凍菜苗醬汁惹味,芝麻蝦多士蝦膠有質感又有芝麻香。 












川貝無花果燉雪梨湯,這是今晚比較遜色的一道菜,湯味道比較鹹,掩蓋了滋潤感覺,可惜。招牌花彫蒸蟹酒香樸鼻,肉厚味鮮,店員表示要留蟹汁做烏冬,所以大家都只食蟹肉,未敢點太多蟹汁,有點尷尬。  





梅菜芯蒸龍躉班球, 班球厚肉帶膠質,梅菜味道配得恰到好處。忌廉香檳汁煎焗帶子,附上麵包粒吸收忌廉汁精華。龍井茶葉燻雞煙燻味道到位,雞肉嫰滑,味道濃郁。





第一次試粥油浸菜苗,杞子令整個菜加入甜味,我反而喜歡原本學斗小白菜的清甜味。學斗其實是本地小白菜,正寫為鶴藪,原來是新界粉嶺一個盛產白菜仔的地方
  
生炒臘味糯米飯,糯米還算炒得黏韌有嚼勁,對我來說稍鹹,喜歡濃味朋友會欣賞。蟹汁撈烏冬終於上來,剛剛省下來的蟹汁大派用場,蟹汁依然鮮甜。 








Chef at home 馳名餐後甜品,正是整晚高潮所在,先來花茶清清味蕾,再上鮮果汁盤包括有羽衣甘藍蘋果、紅菜頭及鮮橙菠蘿,顏色鮮艷又清新。最後的樽仔布甸有多款口味,特濃奶凍、圓肉菊花、芒果芝士、朱古力及黑芝麻,各款味道也突出,甜度剛好,我尤其喜歡菊花的清香及黑芝麻的濃郁,大家也很滿足,完美的句號。









Chef at Home
尖沙咀加拿芬道26-28號/加連威老道18號僑業大廈3樓A室


注: 鄰近尖沙咀地鐵站,K11有時租車位附近亦有咪錶位

得閒睇下我的專頁丫 ^^