懷舊夾餅

兒時最愛放學後， 找街頭的車仔檔叔叔，買件夾餅，大大的鐵鍋， 夾餅對接，切成三份。

近年走遍各區都找不到這種夾餅，心有不甘。

今天終於立下決心，自己研究， 就這樣，自家製夾餅成功了，我還改了用比較健康的黃糖，黑芝麻及腰果碎，太好味了。

得閒睇下我的專頁丫 ^^

https://www.facebook.com/juliatsui88?

失望的上海菜

間中都會到滬江用餐， 水準穩定。

今次點了套餐， 前菜：雞絲粉皮， 素鵝， 鎮江肴肉， 主菜：蜜豆蝦仁， 回鍋肉， 糖醋魚塊

包麵點:上海粗炒，小籠包。感覺太似預早煮定，沒有靈魂的 。好在小籠包 keep 住水準，皮薄湯汁靚。

甜品高麗豆沙：好正，勝在新鮮，提供果醬及糖霜伴吃，還是喜歡糖霜。

滬江大飯店

銅鑼灣波斯富街99號利舞臺廣場17樓B室

注: 鄰近銅鑼灣港鐵站

特濃朱古力蛋糕

又一仔仔下午茶至愛，朱古力味香濃， 加杯牛奶，仔仔食到停唔到口^^

得閒睇下我的專頁丫 ^^

https://www.facebook.com/juliatsui88?

\

週末好去處沙田茵

位於 沙田大埔道7米半 沙田茵係我老公的最愛。 一直喜歡同全家去郊外行山， 更喜愛係室外用膳，所以就不時來呢間沙田茵。今年沙田茵裝了多部冷氣， 夏天去可以好舒服。

沙田茵食的是印尼菜， 先來一碟前菜， 加多加多。呢個係一味印尼沙律， 青瓜、芽菜、豆角、豆腐、雞蛋、加上很香花生味的印尼花生醬， 再加上仔仔最喜愛的印尼蝦片，很有特色。

今次叫了豬及羊沙嗲各五支，還是用呢個有20年以上的爐上，保持沙嗲溫度及香味， 正。

食住沙嗲， 豬肉卷到了， 腐皮包豬肉炸, 香口又野味。

之後， 就是有水準的炒米粉，炒貴刁及炒飯，美味及完美的一餐。

沙田茵餐廳

沙田大埔道7米半

注:餐廳內有少量車位, 可供停泊

神秘的白鴨

聽聞大埔墟街市及熟食中心內有間食白鹵水鴨，一直不知道呢間燒臘店有提供白鴨，心癢癢好想試，今天終於有機會了。望了餐牌多次都找不到白鴨，為有問店員姨姨，要了白鴨併叉燒瀨， 配 白醋薑絲醬, 正^^

妹記燒味小廚

大埔鄉事會街8號大埔墟街市及熟食中心2樓CFS19,21舖

韓點好像貴了點

路過希雲大廈的韓點很多次， 至今午才有機會試試。

點了雜菜水晶粉絲及韓式魚蛋，味道可以，粉絲還算爽口，韓式魚蛋是片狀的，還算有魚味，但以 外賣 $33 及 $12 來說，似乎貴一點。

韓點

銅鑼灣禮頓道128-138號希雲大廈地下2號舖

伍仔記小菜

第一次到位於大埔墟街市及熟食中心的伍仔記, 充滿期望, 人山人海, 不到6時半已滿座。叫了客家豆腐, 中式牛柳及蒸白鱔。不到數分鐘, 客家豆腐到, 雖然在沸騰, 但豆腐內還是凍的, 都是因為太趕, 太心急啦師傅。之後等了半個鐘有多, 但都值得等, 中式牛柳香而濃, 蒸白鱔件件靚。

仔仔的下午茶點心

仔仔一向愛蛋, 就設計呢款雞蛋多士盒給他做下午茶吧^^

得閒睇下我的專頁丫 ^^

https://www.facebook.com/juliatsui88?

窩心的尚館

原址係銀杏館, 尚館一樣聘用長者，讓他們老有所為。長者侍應既有禮貌亦殷勤，只是一杯暖和剛好入口的水已令我感覺非常窩心。今天到來要了兩個午餐， 燴羊肉及原條鱸魚。先來特式廚師沙律, 新鮮有菜味，我連橄欖油同黑醋都唔洗落。磨菇湯濃，香草番茄飽正。主菜到, 羊肉夠香夠腍, 魚肉甜及 juicy。在我食店字典中， 又多一間餐廳了。

尚館 Sante Gourmet

佐敦廟街269號地下

不合格的水餃麵

到大圍辦點事, 遲了食午餐, 知道一間老點的粉麵用足材料, 以往食過牛腩麵, 味道香濃, 麵質清爽。今次忽然想食清一點, 叫了水餃麵。麵來了, 一見麵的顏色, 心一沉, 麵給煮得過火, 須用最快速度幹掉 。水餃大大隻, 但太豐滿而不爽口, 不是我杯茶 。

百利粥麵
大圍積德里19號地下