2025年2月27日星期四

星小館

早排約咗成班朋友飯聚，平日夜晚，坐得舒服，招呼周到，食得開心，依家先有時間整理相片同大家分享。

三款前菜清新，味道未見驚喜。
主菜由擺盤到味道及質感處理都比較到位，尤其砵酒焗生蠔好鮮味，脆米海生蝦及兩款雞亦不錯，反而乾坤炒東星斑就一般。最後嘅生煎包及炒米粉大家就一致讚好，整體滿意，會再嚟。

芫茜鮮沙薑豬手粒 $78
鮮藍莓鐵棍淮山 $78
養生海帶杞子蓮藕尖 $78

鐵板叉燒配脆三層肉（各6件） $198
富貴鴛鴦雞（炸子雞文昌雞各半隻） $368
金獎燕麥脆米海生蝦 9隻 例半 $402
砵酒焗鮮生蠔 9隻 $432
手打芹香馬蹄蓮藕肉餅 $148
乾坤炒東星斑 $588
巧手錦衣千葉豆腐 $148

鍋燒生煎包 $132
珍珠元貝櫻花蝦炒米粉 $168






































發佈者： 於 沒有留言:
標籤：

2025年2月26日星期三

再嚟機場翡翠拉麵小籠包

到機場送機，辦理登機手續後想食少少嘢兼坐低傾下偈，上次食小籠包質素唔錯就提議再嚟接機大堂翡翠拉麵小籠包。今次食雞絲粉皮、上湯排骨拉麵、雪菜香菇炒飯，當然仲有小籠包，最特別係見到有回鍋肉配薄餅，咁得意，就試試先，多叫一客銀絲卷準備送回鍋肉。

小籠包質素依然，其他食品味道亦恰到好處，食完無口渴。期望嘅回鍋肉真係配北京填鴨嘅薄餅，咁我哋就用同一食法，感覺新鮮但又夾喎，而且薄餅數量足夠，唔會似平時食填鴨咁尷尬，銀絲卷就蘸煉奶當甜品了。
























翡翠拉麵小籠包
赤鱲角香港國際機場一號客運大樓5樓抵港接機大堂T160號舖(非禁區)


發佈者： 於 沒有留言:
標籤：

2025年2月25日星期二

自家製韓國刀削麵灣仔店

凍凍地想食碗湯麵暖暖身，諗起呢間韓國刀削麵未食過，手機點餐後先嚟前菜自家醃製泡菜，惹味微辣，影2幅相就嚟熱辣辣嘅牛骨湯麵，上菜算快。先飲啖湯，牛骨湯入口順喉，店子指湯底由牛肉及牛骨長時間熬至而成，早利亞飲落有牛肉香又無乜味精感覺，唔錯噃，麵條煙韌彈牙，加幾片牛腱肉及其他配料，整體食得滿足。

自家製韓國刀削麵屬韓國李家集團旗下的副線品牌，裝修簡樸，走家庭式餐廳路線，牛骨湯刀削麵單叫$78，中午提供午市套餐，留意部分刀削麵雖另加費用，包飲品及一隻韓式蒸餃，馳名嘅花蛤刀削麵，聽講湯好鮮，下次要試。












自家製韓國刀削麵
銅鑼灣駱克道397號金禧大廈地舖

facebook
請讚好我的專頁 可以收到更多新資訊
也可以follow 我的 Instagram
發佈者： 於 沒有留言:
標籤：

2025年2月23日星期日

特色麵包店Homebake

經過中環萬邦行，順道到Homebake 買麵包，佢最出名係18小時低温發酵吐司，口感軟綿又有彈性，利用海藻糖代替白砂糖，麪包亦會較濕潤軟熟，仲有好多口味，琥珀合桃、特濃芝士、楓糖椰絲、辣肉腸芝士番茄、海苔肉鬆、開心果朱古力、黑芝麻宇治金時及今次買嘅桂圓紅棗蕎麥吐司。

其他仲有多款手工麪包、巴斯克蛋糕、拿破崙酥，店內亦提供沙律及熱食日式便當，同時亦聯成 Cha Long 調配多款特飲如碳焙烏龍奶蓋茶、水果四季春、牛油果白露茉莉茶、藍莓士多啤梨白露茉莉茶等等。

講返我嘅桂圓紅棗蕎麥吐司，麵包質感係好綿密，但紅棗及桂圓都太大粒，感覺餡料切碎會融合得更和諧。




























Homebake
中環皇后大道中33-33A號萬邦行地下B號舖

facebook
請讚好我的專頁 可以收到更多新資訊
也可以follow 我的 Instagram
發佈者： 於 沒有留言:
標籤：
訂閱： 文章 (Atom)