家人見有平台做 PLAYT 自助餐優惠，剛巧爸爸生日，立刻訂位食自助餐。餐廳設計時尚，座位寬敞舒適，各國食物款式很多，前菜由泰式沙律、泰式生蝦刺身開始、海鮮凍盤、巴馬火腿配蜜瓜、爽脆沙律菜、芝士盤、日式壽司、即切刺身等。
中式有小菜、燒味、各式點心其中有籠仔海鮮。
西式熱葷有印度咖喱及薄餅、焗青口、蜆肉意粉、燒脆皮豬腩配蘋果汁、串燒、意粉、Pizza、日式tempura、湯粉麵等，仲有幾道以鹹蛋黃做主題的黃金蝦、金沙雞翼、黃金豆角、薯條，最特別係鹹蛋黃單撻，入口嫩滑帶鹹香，幾得意。焗西冷及羊髀配燒汁外還有6種不同的鹽巴選擇，試咗幾款，最鐘意黑松露鹽及露絲瑪莉鹽。
最後，亦是早利亞最開心的甜品時間，甜品區有多款蛋糕、朱古力及抹茶mousse、雪糕、乳酪、生果等。剛剛出爐的心太軟，配上茅台雪糕很不錯喔。
一次過能食到多國味道，享受休閒午餐，加上折扣後每人三百多元，性價比高，值得再來。
PLAYT 咖啡廳
銅鑼灣告士打道310號柏寧酒店1樓
沒有留言:
發佈留言