今次早利亞係專程嚟食土瓜灣老店嘅名物南乳炸雞，土瓜灣朋友一定食過，甚至經常光顧，中午時段門外都會有人排隊等位，食物款式簡單，翻枱都快，等一陣入座後見外賣單不絕，好好生意喔。
一般人配米線，早利亞見可以配撈麵就食撈粗。等咗一陣，雞球即炸好新鮮脆身，尤其雞皮好好食，但一點也不油膩，雞肉依然嫩滑及有肉汁，附加的南乳汁不是南乳豬手咁紅色，而係深啡色比較濃稠，雞肉蘸點南乳汁更惹味。價錢好親民，份量不少，$42 有5大件雞，真係太件夾抵食，加埋麵食得滿足。
譽麵坊
土瓜灣新山道6號
2023年10月30日星期一
2023年10月27日星期五
早稻腸粉
掛住石磨腸粉，經過土瓜灣專程行過嚟一趟，即叫即做，唔好講咁多，拿拿聲落單先，一份手切牛肉腸 $26。雖然外賣，快手回家稍為蒸熱，依然保持質素，皮薄又滑，加少少附送的自家製豉油，調味適中，有米香，好味，自家製辣醬亦香。
早稻石磨腸粉
土瓜灣炮仗街46-48號地下E號舖
土瓜灣炮仗街46-48號地下E號舖
facebook
請讚好我的專頁 可以收到更多新資訊
https://www.facebook.com/juliatsui88
https://www.facebook.com/juliatsui88
2023年10月26日星期四
西香記肉夾饃
自從馬鞍山小西安結業後，早利亞好耐無食肉夾饃，坊間間中會見，但都沒有地道色彩，感覺只係薄餅包免治豬肉碎，好失望。早前喺上環突然見到有專門店售賣肉夾饃及其他麵食如油潑扯麵／Biang Biang麵、炸醬麵等，可惜要趕時間，所以只可以外賣2件肉夾饃回家慢慢品嘗。
入爐翻熱數分鐘，皮都稍為回復乾爽脆身。先來試金牌肉夾饃，傳統免治豬肉包得滿滿的，香而濕潤，好食。跟住就係店員介紹的脆皮孜然牛肉肉夾饃，皮係酥脆但比較油，牛肉則非常惹味帶少許辣，整體都配合得唔錯，有機會真係想坐低食碗扯麵。
西香記
上環皇后大道中340號華秦國際大廈地下1號舖
facebook
請讚好我的專頁 可以收到更多新資訊
https://www.facebook.com/juliatsui88
https://www.facebook.com/juliatsui88
2023年10月24日星期二
散聚有時 新巴黎決定11月休業
散聚有時，位於銅鑼灣金柏利廣場嘅「新巴黎越南餐廳」係fb 專頁宣布決定11月結業，開業至今廿五年，係銅鑼灣好多打工仔嘅飯堂，今次專登嚟食多次～
火車頭湯粉$64，價錢比一般划算，簡簡單單，湯頭唔錯，越式扎肉炒飯$66 炒得唔錯，材料都算多，越式海鮮炒檬粉$66 炒得爽口，有蝦及魷魚粒，比炒飯稍為油膩少少，跟餐飲品就選擇咗凍及熱柑桔檸檬，相信都是沖劑，無乜特別。銅鑼灣以呢個價錢算抵食，這類傳統舊式小店買少見少，屬於食得舒服嘅越南餐館，但早利亞覺得未至於要專登坐車嚟食。
新巴黎越南餐廳
銅鑼灣記利佐治街1號金百利廣場5樓
2023年10月23日星期一
石門足料搞餃鎮
今次嚟到石門食餃子，同區有多家，就是呢度用淮山做餡料及花膠淮山鮮雞湯吸引早利亞。
店子有幾款創意餃子，帆立貝萵筍鮮蝦餃、芝士粟米鮮蝦餃、芫茜馬蹄餃、紫菜粟米豬肉餃咖哩淮山羊肉餃等，花多眼亂，最後早利亞揀咗雙拼，黑松露蟹籽鮮蝦餃拼淮山野菌雞肉餃，每款3隻，等咗一陣，明顯即煮，店員送上時熱騰騰，餃子比一般大隻，餡料飽滿口感豐富，味道剛好，花膠淮山鮮雞湯入口甜美，感覺滋潤，唔覺有味精，好味，份量足好飽喔～如果三拼9隻早利亞應該食唔晒。臨走再帶半打芫茜豬肉生餃返屋企，size 都係大大隻，肉餡滿滿，記得煮耐少少呀～
2023年10月13日星期五
荳子早餐
Beans 荳子餐廳好多地方都有分店，但喺九龍灣分店早利亞就第一次用自助及單點方式買早餐。早前早利亞就約咗朋友食早餐兼閒聊，店子set 咗4款基本餐，你可以再加不同嘅配菜，亦可完全由自己選擇。今日早利亞就選了炸魚跟薯仔粒及蛋，可選煎蛋／炒蛋／太陽蛋等，再加炒蘑菇$8及合桃包$6，價錢逐樣計，另熱飲品如咖啡奶茶及檸檬蜜糖加$8，好豐富喔。環境寬敞，沒有急趕的感覺，傾耐了還可以加熱水，跟朋友聚會十分舒適。
荳子 Beans
九龍灣偉業街33號德福廣場1期平台P39A號舖
訂閱：
文章 (Atom)