特別兜路過嚟星味坊買布甸蛋撻，可惜已售罄，另一名物拿破崙配上吉士醬及鮮果，未能立刻食就浪費，咁就轉買麵包，碰巧今天千層丹麥吐司特價 $41，早前天后AOZORA bakery 要排隊都買唔到，後來太受歡迎對店子做成負荷，為做好其他麵包而停售，今日見到目測唔錯就試試佢。的確可以一層層撕開嚟食，而且好有牛油香，星味坊標榜用Anchor牛油，回家後入爐數分鐘後回復外脆內軟，雖然香但會有油膩感覺，唔食得太多片。
星味坊烘焙專門店
深水埗元州街149號地舖
2023年12月29日星期五
深井食燒鵝
今日三人行專程到深井食燒鵝，跟據以往經驗，早利亞最後都選擇裕記。半隻燒鵝$330 ，再點兩碟小菜，食住花生睇餐牌跟住等食，突然諗到鯪魚球，即刻叫多份。
燒鵝先到，第一時間叫碗瀨粉，食兩件鵝，食啖瀨粉飲啖湯，之後落埋碟下的鵝油撈瀨粉，油香豐富好滋味。燒鵝新鮮熱辣辣，鵝味比一般坊間的濃香，鵝皮酥脆帶少許油脂，啖啖肉的鵝髀留比年少男士，而早利亞則喜愛近腹腔的部分，香料味道更濃。
兩碟小菜跟住到，薑蔥蜆蚧牛肉 $130 好夠鑊氣，薑蔥蠔香，牛肉大片，處理得好非常嫩滑，蜆蚧味就未見突出。琵琶豆腐 $105 賣相靚，影完相都仲燙口，香嫩，淨食送飯都好味。後加的蜆蚧鯪魚球$112 明顯剛炸起，粒粒圓碌碌好吸引，整個放落蜆介醬，香口彈牙，鹹味適中。整餐飯都食得開心，店員亦非常友善。
裕記大飯店
深井深康路9號地舖
註: 附近有裕記專用停車場，提供兩小時免費泊車
註: 附近有裕記專用停車場，提供兩小時免費泊車
2023年12月27日星期三
元朗悠閒午餐
天氣好，到元朗走走，今次坐室外食set lunch，先嚟單點前菜 Beef Tacos 墨西哥牛肉捲餅 $138，牛肉加埋醬汁好和味，好味開胃。Daily soup or Chef salad 餐湯加片法包或沙律，正正常常，Grilled NZ Sirloin 8oz 紐西蘭8安士西冷扒 $158 比想像中大件，有燒烤香味有肉汁，medium 熟度剛好，早利亞鍾意加海鹽多過蘸燒汁。Linguine Vongole 蜆肉扁意粉 $128 味道恰到好處，蜆肉不少，最後嚟嘅 Homemade Pepperoni Pizza 手工辣肉腸薄餅 $128 香脆，鋪滿芝士，辣肉腸惹味，好飽都要食多件。
Bistrocana
元朗鳳攸南街3號好順景大廈2座地下18號舖
2023年12月24日星期日
蛋撻要酥皮定餅皮好？
蛋撻要酥皮定餅皮好？各有所好。
經過灣仔諗起檀島，買返件酥皮蛋撻 $10，撻皮一層層好靚，酥又唔油膩，有蛋香，另一名物係拿破崙餅，千層酥皮脆而不膩，蛋糕層仲有足料粒粒合桃，佢嘅雞批都唔錯㗎。
經過灣仔諗起檀島，買返件酥皮蛋撻 $10，撻皮一層層好靚，酥又唔油膩，有蛋香，另一名物係拿破崙餅，千層酥皮脆而不膩，蛋糕層仲有足料粒粒合桃，佢嘅雞批都唔錯㗎。
另一日係長沙灣食飯，友人帶來爆紅深水埗星味坊嘅黃金布丁蛋撻 $12，餅皮有牛油香，厚厚內餡濃郁蛋香又滑溜，食得好滿足。
檀島咖啡餅店
灣仔軒尼詩道176-178號地舖及閣樓
星味坊
深水埗元州街149號地舖
2023年12月20日星期三
旺角麵包店 I、II
到旺角經常會到明華餅家買些懷舊餅食，雞蛋糕、光酥餅、老婆餅、合桃酥及紅豆燒餅等。還有傳統又價錢相宜的雞尾包、菠蘿包、餐包等。
早利亞還會轉彎到另一家小麥廊，最愛小店的雞批，用傳統金屬模焗製，批皮比坊間用即棄錫紙兜來得酥脆，好有誠意。
早利亞還會轉彎到另一家小麥廊，最愛小店的雞批，用傳統金屬模焗製，批皮比坊間用即棄錫紙兜來得酥脆，好有誠意。
回程到油麻地站碧街入口前，有另一家人氣店加多娜天然酵母手作麵包店 Kadorar et Levain，標榜用天然酵母，健康又增添口感，款式有創意，玄米合桃提子、水果烏龍茶、70%朱古力，牛奶肉鬆、抹茶紅豆貝果等，今次就買咗日本枝豆芝士煙肉及藍莓合桃包，回家稍微烘熱，麵包即回覆狀態，外脆內軟，味道豐富，非常好的下午茶點，做早點送杯咖啡也好夾。
明華餅家
旺角煙廠街1-3D
旺角煙廠街1-3D
小麥廊
旺角煙廠街9號地下2號舖
加多娜天然酵母手作麵包店 Kadorar et Levain
油麻地碧街54號地舖
旺角煙廠街9號地下2號舖
加多娜天然酵母手作麵包店 Kadorar et Levain
油麻地碧街54號地舖
訂閱：
文章 (Atom)