早利亞的美食感覺
喜歡周圍食,喜歡分享美味嘅飲食體驗,亦會自己嘗試,所以會有我的廚房,希望可以同大家分享美食的感覺^^
2013年3月31日星期日
豐富的下午茶
有朋自遠方來,當然要找個地方傾下計,食得舒服點,就到 JW Marriott The Lounge 食個 Tea Buffet。食材固然靚,重要款式多多。
魚生卷物新鮮,沙律尤其以大蝦芒果沙律較為出色,英式烘鬆餅充滿牛油香,中式點心個人喜歡牛肉同春卷,即煮熱食的有生滾粥及餃子麵,熱食包括有鱸魚、羊架、牛肉煎餅、意粉等。甜點更多不勝數,不能盡錄,而且樣樣出色,每一樣食一個 round,小妹都未能做到,下次一定要再來。
The Lounge (JW Marriott Hotel)
金鐘金鐘道88號太古廣場香港JW萬豪酒店大堂
注: 鄰近金鐘站,太古廣場有時租停車場。
2013年3月28日星期四
我的麵包布甸
下午肚子又打鼓啦,昨天食剩兩塊麵包,加奶加蛋焗一焗,麵包布甸準備好。還欠我的至愛Custard Sauce,煲奶加吉士粉,攪攪下,有得食啦。
得閒睇下我的專頁丫 ^^
https://www.facebook.com/
juliatsui88
?
2013年3月25日星期一
81
見到博洛尼亞的招牌有個81字樣嗎? 係佢地出名的 81層丹麥麵包,當然一定要試。友人鍾情漢堡,而我則要了個蘆筍野菌意粉。等了好一陣,漢堡先來,沙律新鮮,包烘香,牛肉有肉汁,薯條鮮炸,完全無油。而我的意粉則有招牌丹麥麵包,單烘一面的多士,又香、又脆,口感鬆軟,見到橫切面一層層的紋理,叫人心動。蘆筍野菌意粉亦非常有水準,七八十元一個午餐,還有海景送,讚!
博洛尼亞 BO-LO’GNE Café & Bar
尖沙咀廣東道17號海港城海運大廈 LCX 3樓33號店
注: 鄰近尖沙咀地鐵站及天星碼頭
2013年3月19日星期二
牛陣 GyuJin
今天家人提議到牛陣火鍋,話抵食又多選擇,心想幾十蚊午餐有什麼食呢 ? 就帶住懷疑心態去試。
蔬菜、菇類、冰豆腐、芽菜都好新鮮,魚蛋好彈牙,好正。肉就只有一碟,豚肉片比牛肉片出色.。烏冬拉麵任君選擇。醬料包括豉油、醋、麻醬、芫莤、蔥花、生蒜及指天椒粒,都算豐富。
午餐$58,雖然只有一個鐘的時間,就當食一個好豐富的車仔麵,還有任食Haagen Dazs雪糕,絕對抵吃。
牛陣 GyuJin
銅鑼灣軒尼詩道489號銅鑼灣廣場第一期3樓301-303舖
注: 鄰近銅鑼灣港鐵站
2013年3月15日星期五
山地人越南法包專門店
突然好想食法飽,想起北角有山地人,立刻坐叮叮去。山地人的即叫即焗法包有原味、黑麥芽同竹炭任選,而餡料可選豬、雞、牛、肉鬆或沙甸魚。雖然要等,亦起價到每份$46,但有真係做到脆身同餡料好有越南風味,下次依然會來喔!
山地人越南法包專門店
北角宏安道2-12號宏輝大廈地下9號舖
注 : 鄰近炮台山地鐵站
2013年3月11日星期一
北角百樂
到潮州酒家食飯,點了傳統菜式 :
鹵水拼盤 - 鹵水係潮州食品的靈魂,鹵水唔夠香,非常失望、
炸雙棗 - 分別為蝦蟹棗、蝦棗加有馬蹄粒,較爽口,蟹棗口感香脆
沙爹牛肉芥蘭 - 沙爹醬太多,漿住個咀,蓋過所以牛肉味、
杏汁豬肺湯 - 呢個湯做得非常好,相當滋潤、
蘿白烙 - 味道清新但油到不知得了、
碧綠川椒雞 - 除了油一點外,珍珠葉脆,雞嫩滑
甜品選了水晶飽、反沙芋頭,水晶飽皮略厚身,但味道不錯,反沙芋頭表面沙糖香脆,芋頭香甜。
百樂潮州有幾間,呢間我只可以話合格,還是鍾情於銅鑼灣希慎道百樂。
百樂潮州海鮮酒樓
北角電氣道169號宏利保險中心地下
注: 鄰近炮台山站
2013年3月8日星期五
尤海姆年輪蛋糕 Juchheim
自1909年在中國青島首度開業,創始人「卡爾・尤海姆」到日本再度開業以来,Juchheim(尤海姆)巳烤製年輪蛋糕約100年。Juchheim的年輪蛋糕在日本被視作不同場合的送禮佳品。正如它的口號「對身體好的美味」。
上次到沖繩已見過這年輪蛋糕,今次嘗試到真興奮,聽說在農曆年間買到斷晒市呢!
色 - 金黃色,每一圈都層次分明,外形討好。香 - 不用說,遠遠已聞到,真吸引。味 - 香甜軟滑,表面還有一層薄薄的糖霜,增加口感,配一杯咖啡,一流的下午茶!
尤海姆年輪蛋糕 Juchheim
銅鑼灣軒尼詩道555號崇光百貨地庫B2F
注: 鄰近銅鑼灣港鐵站
2013年3月4日星期一
朝聖牛角飽
希慎廣場地庫的Hysan Urban Bakery,長時間都有條人龍,大家都乖乖的等每25分鐘出爐的牛角飽。今天來到,因為係平日的關係,比較少人,似乎可以買到第一批出爐的飽,咁一定等啦。大約十分鐘後,一盤盤香噴噴,外形十分吸引的牛角飽出來了,分別有原味、杏仁、芝士及朱古力四隻味道。的確很脆,充滿牛油香。
注意,每人最多只限買九個,認真巴閉。
Hysan Urban Bakery
銅鑼灣軒尼詩道500號希慎廣場B2層Jasons‧Food & Living內
注: 鄰近銅鑼灣港鐵站
2013年3月1日星期五
陳漢記粥麵專家
聽完電台節目的腸粉特輯
,
今天專登去陳漢記食蝦腸
,
影埋相現場報導
,
好滑
,
晶瑩通透
,
見到都流口水。同場還見台灣傳媒拍攝
,
真係巴之閉。
陳漢記粥麵專家
大埔運頭街
91B
地下
注: 鄰近大埔墟火車站
豐園韓國料理
到尖沙咀韓國街找食,本想去某某,怎料眼見一班旅行團比我們先到一步,當然轉彎再找。知道豐園水準不錯,雖然裡面無人,見伙計姐姐示意已準備好,那就直闖啦。
點了牛肋煲及石頭飯,先來六小碟,每一味都盡本分,味道恰到好處。主菜同時到,石頭飯香味撲鼻,請姐姐幫我地撈勻,加上辣椒醬,配合得天衣無縫,金黃飯焦亦非常脆口,完全沒有燒焦,可見石頭碗溫度剛好。牛肋煲更濃香,牛肋肉入口即溶,蘿白鮮甜,真係無可挑剔。
豐園韓國料理
尖沙咀金巴利道75號地下
注: 尖沙咀步行十分鐘
較新的文章
較舊的文章
首頁
訂閱:
文章 (Atom)