2024年5月16日星期四

my kitchen tibetan fast food

早前經過油麻地橫街，見有幾位外國朋友在買外賣，好奇上前了解，原來店子係售賣地道西藏食品 Trandtional Tibetan Food，買了一個 Shabhalep Buffalo 水牛肉批試試，回家焗爐翻熱幾分鐘，外脆內軟，餡料水牛肉有點臊香味，不錯。上網搜查下，原來店子老闆係西藏人，特地做家鄉菜式，而且是Halal Certified，提供給同鄉，同時介紹比香港人，說到傳統Momo 餃子，老闆強調係來自西藏，不是尼泊爾喔。

過一星期再經過油麻地就專程過嚟再買多道菜及包子。Fried rice 雞肉炒飯，其中受歡迎菜式，重味微辣，有雞肉及其他配料，Galic chicken 大蒜雞比較辣，佐飯或跟Tingmo Bun 西藏聽沫包（沒有餡，類似饅頭，比較實淨）都可以，Steamed Beef momo 蒸牛肉餃子，正常餃子，肉餡腍少許肉汁，即食的話提議試煎的版本。Samosa 咖哩角近似印度咖喱角，內餡咖哩薯仔蓉都幾香，最後Shabhale 西藏麵包及Taipo Momo 大埔藏式肉包都頗類似，整件落油炸過，所以食前放焗爐翻熱會更好食。整體味道特別，用咗好多唔同香料，唔錯嘅體驗，以後異國風情又多一個選擇啦～


 


















My kitchen 
旺角西貢街2H號地舖

發佈者： 於 沒有留言:
標籤：

2024年5月14日星期二

灣仔傳統餅家

上次介紹咗 Sour Dough，同一條街有另一家港式傳統餅家，45年老字號快樂麵包上年結束營業後約半年後喺附近再重開，繼續供應招牌蛋撻$8、忌廉筒$12、紅豆沙翁$9、古法雞蛋糕$15、椰絲奶油包$10 及多款傳統港式包點，而且仲加入麻薯系列，今日見有芝麻／伯爵茶／綠茶麻薯波波 $10，芋頭麻糬布丁撻$13 都好吸引。

今次買咗酥皮蛋撻，同埋芋頭麻糬布丁撻，酥皮唔算太多層，不過都酥香，蛋漿滑溜，而布丁撻每啖都有芋頭香，加埋麻糬有點黏糯，口感有別一般蛋撻，值得一試。


















發佈者： 於 沒有留言:
標籤：

2024年5月9日星期四

灣仔麵包cafe

由世界著名瑞士糕餅師Gérard Dubois開辦的「Sour Dough」，用上培育30多年嘅3種酸種麵團－裸麥、白裸麥及黑裸麥製作，可以造出更脆身更有彈性嘅酸種麵包，升糖指數較低，食得更健康。而且還有多款 pastry、酸種牛油鬆餅，酸種牛角包及甜品，真的好豐富。店子仲有供應素菜沙律、素食濃湯、三文治及冷熱咖啡、各種茗茶、果汁等，坐低食個輕型午餐或下午茶都好舒服。

早利亞今日就外買咗 Dark Beer Sour Dough Bread 黑啤酒酸種麵包，回家以160度輕輕翻熱數分鐘，口感及味道都討好，有黑啤香氣，下次經過可以買多幾款試試。











Sour Dough 灣仔皇后大道東80號堅雄商業大廈地下2-3號舖


發佈者： 於 沒有留言:
標籤：

2024年5月6日星期一

屯門咖喱屋

入屯門搵食，見到呢家咖哩屋好多人推介就嚟試試，假日都有午市套餐 $48，分別有咖哩雞、咖哩牛脷、咖哩蔬菜、咖哩蛋、咖哩牛加$8、咖哩魚加$8 及咖哩羊加$14，套餐包括湯、薯條、飯及印度烤餅Naan，加$9 可轉印度煎手抓餅 Roti，而套餐飲品可選香港奶茶、咖啡汽水或加$18 轉 mango lassi 或加 $12 轉拉茶，店員會喺你面前拉到滑溜，好似表演一樣。講返食品，我哋叫咗咖哩羊及牛脷，嚟到見好大份，咖哩羊有羊味，夠腍入味，佐飯一流，Naan 蘸汁都夾，一次過2仲食法，只係跟餐嘅咖哩蔬菜三色豆就麻麻，雖然個咖喱汁係唔同，但都係食到三色豆浸味，唔好有期望，哈哈。另外牛脷好好食，非常腍滑入味，Roti 係香酥，不過個人口味都係鍾意 Naan 多些。整體性價比高，值得再嚟～



















發佈者： 於 沒有留言:
標籤：

2024年5月3日星期五

屋企煮飯仔之沙薑煎雞翼

朋友贈送自家種沙薑，趁新鮮今晚就做沙薑煎雞翼


做法：
～切好紅蔥頭及薑片，切及拍鬆沙薑備用
～雞翼加豉油豆粉糖，再加以上材料醃半小時以上
～燒熱油鑊，落雞翼面向下，煎出油份
～數分鐘後反轉雞翼，下紅蔥頭及薑片等爆香
～煎熟雞翼後加蔥花上碟即可

發佈者： 於 沒有留言:
標籤：

2024年5月2日星期四

新鮮意粉及ready to eat 醬汁

灣仔食完飯周圍行下，落地鐵前就到這家意式店舖行下，佢哋售賣多款食品有新鮮有乾貨，從意大利和其他地區的家庭農場和生產商直接採購進口產品，提供最優質的時令產品，見到當造嘅白蘆筍幾咁新鮮，仲有多款cold cut、芝士、肉類、香腸、水果、蔬菜、葡萄酒、烈酒、義大利麵等等。行入裡面會見到有新鮮意粉及 ready to eat 醬汁，意大利直送嘅味道，臨走可以買埋意大利 Gelato 及 Sorbet 返屋企慢慢嘆～




















 

Mercato Gourmet Wan Chai - Flagship Store
香港灣仔永豐街3-11號


發佈者： 於 沒有留言:
標籤：
訂閱： 文章 (Atom)