2025年9月25日星期四

旺角百樂潮州酒家

今次飯局搵個交通方便中間位旺角東站上蓋嘅MOKO 百樂食潮州嘢，坐低飲杯功夫茶食點鹹酸菜開下胃先。一行10人，滷水鵝可以叫半隻 $750，滷水香鵝肉嫰滑。早利亞想食潮陽炸雙棗(中) $396，坊間潮州店多做蝦棗，百樂蟹棗都做得傳統，油溫控制得好，乾爽不油膩。幾款小菜炸鹽水豆腐 $128，韭菜芝麻餅 $88及香煎蠔仔烙 $168 都做得到位，再嚟幾道主菜，蘿蔔春菜煲 $168、沙嗲粉絲牛肉煲 $168、蒜子上湯浸時蔬 $128、梅羔醬排骨(例半) $270、潮州凍烏頭魚 $320，早利亞尤其鍾意梅羔骨，最後叫埋單尾乾煎糖醋麵 $168，大家都飲飽食醉好滿足，話時話，當日係星期四平日，但見店子座無虛席，連隔離北京樓亦熱鬧非常，或許旺區晚肆還是可以，希望慢慢各區食肆都復甦，大家多些搵朋友出街食飯支持下啦～



































百樂潮州酒家
旺角太子道西193號MOKO新世紀廣場5樓523號舖


發佈者： 於 沒有留言:
標籤：

2025年9月16日星期二

泰泰新舖食物依然高質

很喜歡佐敦泰泰各種獨特自創菜式，早前喬遷至附近新舖，即刻約朋友嚟食一餐先。先嚟生蝦刺身 $138 及 魷魚遊戲 $168 熱下身，堅持用新鮮蝦做嘅生蝦刺身零舍鮮味，坊間雪藏貨沒有蝦頭的喔，而店子就連蝦頭都炸香，實行一蝦兩食。魷魚遊戲即魷魚沙律，用咗3款不同嘅魷魚，鮮魷魚筒、水魷及秘製小土魷，配上秘製沙律汁，酸酸辣辣好醒胃。一行 8人，蝦多士 $138/4件 要2份先夠滋味，蝦膠彈牙，用米通代替麵包，炸得香脆不油膩，黑金黃金入球 $143 ，用新鮮墨魚滑包著鹹蛋黃蓉再炸至金黃色，切開後造型看似熟蛋，入口外脆內爽彈，加淡淡鹹蛋香，黑色版本是加了墨汁的墨魚滑包著黃金皮蛋黃，一樣好好味。

主菜點咗青檸燒牛肉 $238，店子推介多一款星河燒牛肉 $238 ，比起青檸醬汁嘅酸辣，星河燒牛肉多一份胡椒香，配上豆角香葉用生菜包嚟食，又另一番感覺。粉絲蝦煲 $238 保持水準，最鐘意粉絲完全吸盡鮮蝦精華而且好乾身，食落依然爽滑。本來想食鴨肉生菜包，老闆介紹另一變奏版，小炒王生菜包 $138 加入韭菜粒及黃金皮蛋白粒更惹味，配上紫椰菜，又好夾呀。最後差點忘記的清邁酸辣羅非魚 $238，因為造型又名飛天魚，整條魚起骨切件炸起加泰式酸辣醬汁，友人見仲有生菜就包魚塊嚟食，多一點清爽。 

店子飲品都做得好精緻洛神花沙冰，芒果沙冰及原個椰青沙冰都啱夏天飲，最後甜品芒果糯米飯滿足埋個甜品胃。




































發佈者： 於 沒有留言:
標籤：

2025年9月12日星期五

city’super 買月餅

又到中秋佳節，大家準備好買月餅未？今日喺 沙田city'super 多款傳統及新派中秋禮盒，早利亞行咗一圈，同大家分享下。 

city’super 自家品牌人氣禮盒，今年特別推介和牛酥皮月餅，嚟門市仲可以即刻食新鮮烘熱的，每件$25，試試先決定選購邊款。新力軍還有麻薯系列，香芋黑糖麻糬奶黃月餅、檸檬乳酪白玉麻糬奶黃月餅及紅桑子抹茶白玉奶黃月餅。










其他還有美心、奇華、八珍、華麗園、望月、皇玥、九龍香格里拉，而台灣代表則有微熱山丘及阿聰師傅，喜歡凍食的榴槤月餅就有帝一榴、一件不榴及 Ice cream & cookie 嘅雪糕月餅。

即日起至10月6日 city'super海港城、時代廣場、國際金融中心商場及新城市廣場店，city'super neighbourhood AIRSIDE 及 THE SOUTHSIDE店均有發售。





















































city'super
沙田新城巿廣場一期二樓204-214號舖



發佈者： 於 沒有留言:
標籤：
訂閱： 文章 (Atom)