早利亞的美食感覺: 小老婆椰絲蛋糕仔

2024年3月20日星期三

小老婆椰絲蛋糕仔

周末周日去西貢行街，除多國菜嘅餐廳cafe外，還有售賣特色本地食品或本地種植蔬果嘅小店。突然見到有家店前有多位朋友排隊，原來有剛剛出爐椰絲蛋糕仔1份$10/10件，非常吸引，攞上手還暖笠笠，入口似椰撻中間嘅蛋糕，滿滿椰絲，好味呀～另外仲有多款中式唐餅 $7/件都好抵食。第二次早利亞特登帶埋盒去買，原來大約1130才出爐，師傅見我問就搭嘴話立刻整比我，叫我行一圈後返嚟，太好人了。今次見有埋小蛋糕，所以買每樣一份，小蛋糕都香及鬆軟，又唔太甜，但就無椰絲蛋糕仔咁突出。再買多件鮑魚酥，唔好誤會，唐餅嘅鮑魚酥係無鮑魚架，只係一種酥皮餅乾，外形似鮑魚，酥酥脆脆，鹹鹹香香咁，都幾好食。