早利亞的美食感覺: 粉嶺畢打奧

2024年3月12日星期二

粉嶺畢打奧

間中都有去上水食畢打奧，餐廳提供西式扒餐，最愛T骨扒。今次到粉嶺，原本想去Deluxe，點知見到對面開咗 Better Ole，睇清楚，真係上水畢打奧開分店，一邊英式酒吧另一邊餐廳，餐牌吸引，價錢仲平過Deluxe，一定要試試啦～

點完餐，望望店子，除環境舒適外，就連提供的刀子也非常講究，食扒的過程絕對係好嘅體驗。餐湯餐包都是港式味道，主菜我哋揀咗3款唔同風格，鮮椰汁咖哩牛腩飯，可配雞肉或溫泉蛋雜菜，咖哩香牛腩夠腍，接近港式味道。年青人揀咗鐵板餐，美式什扒包括有新鮮市場豬扒、薄牛扒、雞扒拼煙肉香腸，質素唔錯有誠意，絕對唔係坊間咁拼拼湊湊。而早利亞就揀咗美國10安士肉眼扒，見到扒中心的脂肪嗎？入口肉味濃郁，熟度滿意，非常唔錯，值得再嚟。