早利亞的美食感覺: 相信堂食比外賣好@黑目

2022年9月29日星期四

相信堂食比外賣好@黑目

今天身在銅鑼灣叫外賣，係平台上見到這家餐廳，提供日式西餐，意粉、蛋包飯及湯烏冬等，外賣自取仲有折，就撳落去叫3份試試先。

十多分鐘後收到通知可到店子取食物，packing 唔錯，企企理理，打開盒子，感覺份量細咗些，香蒜白酒青口意粉用幼扁意粉，咬口感覺剛好al dente，始終帶回家都多等十分鐘，要動手撈勻汁掛返到意粉，味道幾好，酒味香而不濃，青口則一般。蟹籽香辣蒜片鮮蟹肉意粉，蟹肉份量真係少得有點可憐，還好加埋另加的溫泉蛋整體味道討好。最失望係和牛溫泉蛋日本湯烏冬，目測比茶餐廳外賣還遜色，同網上堂食相片相差太遠，和牛得4小片而且已熟透，烏冬倒很滑溜，咬落煙韌有應有的口感，溫度不足是致命傷，早利亞強烈建議有興趣想試要堂食，相信堂食比外賣一定好好多。