早利亞的美食感覺: 鐵路便當

2022年10月3日星期一

一直想試這家位於土瓜灣嘅台式便當餐廳，每週都有不同嘅便當配菜，今次係鳳梨炒黑木耳、蒜香胡椒炒粉絲、蟹黃豆腐及滷蛋，見到飯盒有咁多款配菜已經好開心，味道各有特色，不是坊間烚菜，非常有誠意，後來才知可加 $10 跟蓮子百合湯，下次要試試。

首先梗係要試下期間限定松阪肉便當 $68，除跟每週五款配菜外還可選配一款醬汁，蜂蜜芥末醬/山葵芥末醬/香辣起司醬+$6/紅蒽醬+$6。台灣嘅松阪肉亦即係香港嘅豬頸肉，店子處理得恰到好處，肉質柔韌，味道鮮甜細膩。

黑糖係還未經過分蜜程序，尚未經過精煉嘅糖，帶有淡淡的甘蔗香氣，用嚟炆豬軟骨，又香又腍滑。中醫上黑糖有祛寒、活絡氣血等功效，這道主菜黑糖豬軟骨 $64 好味又有益。

便當跟飲品，蕎麥茶、茉莉綠茶或阿薩姆紅茶，或可加錢轉其他台式特飲。整體滿意，店子不時推出新菜式，近期係酥炸魚排便當都吸引，會再來。

鐵路便當
土瓜灣馬頭圍道278A號

請讚好我的專頁可以收到更多新資訊
https://www.facebook.com/juliatsui88

早利亞的美食感覺