早利亞的美食感覺: 懷舊茶餐@金鳳

2022年9月11日星期日

懷舊茶餐@金鳳

早前睇過關於金鳳茶餐廳嘅訪問，1956年開業至今，名副其實老字號，金鳳供應嘅都係做咗幾十年嘅傳統茶餐廳食品，包括蛋撻、椰撻、雞批、菠蘿包等，而首創不加冰的凍奶茶、咖啡賣到街知巷聞，本身奶茶已香滑茶濃，直接冷凍，不怕稀釋了凍奶茶的香甜，夏天一大享受。

今天早利亞揀咗特價午餐 $51，主要想食沙爹沙爹牛肉麵，沙爹牛份量多，牛肉算厚身，沙爹汁香濃重口味，麵偏淋，要快食。店員表示菠蘿包最好賣，但當天可能不是剛出爐，冷卻了失色點，皮是酥脆的，包是扎實，絕對不是坊間的空氣包。跟餐的火腿奄列也不欺場，火腿份量足，亦有蛋香，無論奶茶或檸茶，茶味都夠香濃。

店子做的係真正火腿雞肉洋蔥嘅雞批 $13，沿用舊式做法，皮又夠鬆化，蛋撻 $8 出爐就一定唔好錯過，皮香酥蛋滑溜，早利亞最鐘意合桃蛋糕 $8，比起紙包蛋糕 $8 嘅鬆軟，合桃蛋糕就好綿密有口感，牛油味香濃。題外話，店子規矩堂食單點食品，每人也要點一杯飲品，否則另收$10。見menu 店子仲有多款湯水，好想試，下次下次～