早利亞的美食感覺: 懷舊糕點

2022年9月16日星期五

懷舊糕點

經過土瓜灣見到有家小店以中式糕點作主打，原來係曾智華曾經介紹過的糕豆美食，早利亞鍾情雞屎藤茶粿，仲有艾草粿、缽仔糕、黑芝麻糕、眉豆糕、白糖糕、黃糖糕等，當然要買返幾隻試試，比錢時見枱面仲有合適涼茶供應，比凍汽水對身體更有益。雞屎藤茶粿皮軟糯，餡料豐富，花生芝麻好香，艾草粿艾草味道突出，花生芝麻餡料一樣多，甜度剛好。

過幾日又經過，今次買咗白糖糕、眉豆糕、馬蹄糕及芝麻卷。白糖糕發得好靚，無酸味，其他糕點都唔會太甜，可以一口氣食晒幾件，下次又試邊款好呢？