2023年7月12日星期三

人氣米芝蓮推介小店合時小廚

非常難訂位的人氣米芝蓮推介小店合時小廚，因有人臨時取消，好朋友執雞頂上， 早利亞就幸運地可以享受一個美味的午餐。一早預訂了多道拿手菜式，

先來杏汁豬肺湯，呢個湯要先處理豬肺又要磨杏仁，功夫多多真係要出街食，每人一大碗，杏香湯濃，多件豬肺好足料，若然再過濾幼細點口感會更佳。店員送上茶皇雞，煙燻香味樸鼻而來，店子用多款茶葉煙燻而成，茶香主要集中在雞皮，隔離女士平時唔食雞皮，今次都要破例一次了。雞肉嫩滑，雞雜甘香，店員建議蘸點醬汁更好味，增加味道層次。招牌菜百花蝦多士新鮮炸起，入口香脆唔油膩，原隻大蝦加蝦膠厚身彈牙，大大件好滿足。雞油花雕蒸馬友，花雕好香，雞油又沒有油膩感，馬友足夠油份肉嫩滑溜。

稍為休息一下，薑蔥焗肉蟹煎腸粉，上枱後店員翻動撈勻，肉蟹啖啖肉，但最入味係這道菜的主角－腸粉，吸收晒蟹香及薑蔥香，禁不住一件接一件放入口。

最後係焗少爺豬扒飯配煎蛋，其實已經很飽，但又無理由唔試，一試就停唔到口食晒成碗，番茄醬汁跟芝士等非常調和，有朋友覺得比較濕，或許飯底再加厚點就比較爽身，味道則剛好，茄香恰到好處。閒談間問負責人，原來訂位要到年尾才有位，每道菜都做足功夫，要預約半年的飯局，值得等。







































合時小廚
西灣河筲箕灣道39號
發佈者： 於 沒有留言:
標籤：

2023年7月10日星期一

蔥爆羊肉

又係冬病夏治嘅時候
近三伏天日子
可以適當食點羊肉補補身

做法：
～羊肉加生抽、糖、胡椒粉、生粉醃約半小時
～京蔥斜切段、彩椒切粗絲
～調較芡汁－生抽、糖、胡椒粉、少許蠔油、生粉
～燒熱油鑊爆香蒜片
～爆香羊肉，灒酒
～加京蔥及彩椒快炒
～加芡汁略煮即成


發佈者： 於 沒有留言:
標籤：

2023年7月6日星期四

Playt 高質自助餐

家人見有平台做 PLAYT 自助餐優惠，剛巧爸爸生日，立刻訂位食自助餐。餐廳設計時尚，座位寬敞舒適，各國食物款式很多，前菜由泰式沙律、泰式生蝦刺身開始、海鮮凍盤、巴馬火腿配蜜瓜、爽脆沙律菜、芝士盤、日式壽司、即切刺身等。














中式有小菜、燒味、各式點心其中有籠仔海鮮。









西式熱葷有印度咖喱及薄餅、焗青口、蜆肉意粉、燒脆皮豬腩配蘋果汁、串燒、意粉、Pizza、日式tempura、湯粉麵等，仲有幾道以鹹蛋黃做主題的黃金蝦、金沙雞翼、黃金豆角、薯條，最特別係鹹蛋黃單撻，入口嫩滑帶鹹香，幾得意。焗西冷及羊髀配燒汁外還有6種不同的鹽巴選擇，試咗幾款，最鐘意黑松露鹽及露絲瑪莉鹽。











最後，亦是早利亞最開心的甜品時間，甜品區有多款蛋糕、朱古力及抹茶mousse、雪糕、乳酪、生果等。剛剛出爐的心太軟，配上茅台雪糕很不錯喔。









一次過能食到多國味道，享受休閒午餐，加上折扣後每人三百多元，性價比高，值得再來。




發佈者： 於 沒有留言:
標籤：

2023年7月3日星期一

土瓜灣潮州小店

假日北帝街搵食，見這家鹵水店子櫥窗貼著的拿手菜似乎好多傳統拿手菜，選擇不少，唔知對不對辦呢？雖然未夠6點，就食個早飯吧。

見餐牌除滷水鵝肉鵝片、鵝肝、烏頭馬友凍蟹外，仲有螄蚶，舖頭唔大，但幾乎應有盡有。入座時已聞到鹵水味道香濃，就來一碟鵝肉$118，再嚟蠔仔粥$48及韭菜鵝紅$68，都是最傳統的，試試師傅手勢。

滷水鵝 碟頭唔細，滷水入味，有脂香味但唔膩口，墊底的滷水豆腐亦嫩滑入味，很不錯。蠔仔粥好足料，珍珠蠔飽滿鮮甜，啖粥雖不是很濃味但感覺無味精，係真材實料的鮮甜。鵝紅有質感，唔會一夾就碎，加埋韭菜味道夠惹味。整體都滿意，而且價錢親民，埋單$234。食飯期間不時見街坊買外賣，聽講南薑咸雞都好食，下次試埋鵝肝先。




















洪記潮州滷味 土瓜灣北帝街33號地舖

發佈者： 於 沒有留言:
標籤：
訂閱： 文章 (Atom)