早前同成班為食朋友去咗深水埗食小炒，星期五晚全場滿座，氣氛好熱鬧，店員招呼好又會提供好介紹，食得開心。幾天前已同店子溝通，先預訂杏汁白肺湯（大）$528 及炭燒鵝皇半隻 $398，咁就可以安排我哋到齊人後兩樣都係最佳狀態。睇睇menu，再點多幾味招牌菜及小炒，包括芥辣牛柳粒 $188、蟹肉蛋白黃金花 $198、鎮江骨 $118、脆皮炸豬大腸 $118、海皇一品菜 $168、招牌麗香卷 $118、千葉乾坤豆腐 $188，味道都恰到好處，擺盤有設計，打卡一流，尤其火焰蟶子皇 $108/隻，上枱後再淋上酒，嫩滑帶酒香。最後送上甜品，每件都係晶瑩通透嘅魚形嘅杞子桂花糕，好靚，味道亦好清，剛剛好清咗頭先嘅重口味菜式，太好～少少提議係，可以分開幾次落單，因廚房處理非常快，避免一次過嚟晒食唔切，分2次或3次落單就可以食得輕鬆，多點時間同朋友閒聊下～
沒有留言:
發佈留言