早前成班為食友約咗幾個月,為咗去彩虹邨金碧食餐懷舊菜,先嚟預訂咗嘅杏汁豬肺湯,湯好濃肉香及陳皮香,相比杏仁味就唔太突出。錦鹵雲吞做法傳統,雲吞皮炸脆,甜酸菠蘿汁煮叉燒豬潤開胃,蠔豉生菜包坊間少有,蠔豉炒得香鬆,包玻璃生菜好夾,跟住嚟嘅魚腸蒸蛋,蒸得好滑,魚腸甘香,唔錯噃。招牌菜蟹鉗,新鮮熱辣,爽口彈牙,正。預訂嘅紅燒元蹄炆得好腍但一d都唔油膩,入口即化。炸子雞皮脆肉嫩,係稍為鹹些少。意猶未盡,即場再叫酥炸鮮魷,乾炒牛河及肉絲炒麵,廚房非常快手,而且鑊氣夠,睇得出師傅功夫得。最後馬拉糕係必食甜品,鬆軟大大件,係兒時味道。
沒有留言:
發佈留言