朋友約九龍灣食飯，聽聞呢間潮順館以潮州美食出晒名，原來佢嘅順德菜都唔錯，今晚就試咗各樣拿手菜都有好感，甚至喜愛上啦。
威士忌乳鴿拼鮑魚，酒味剛好唔太重，乳鴿肉非常嫩滑，起片切法亦好特色。青欖燉螺頭入口好甜，青欖對喉嚨非常好，飲落好舒服。潮順特色浸海斑，魚肉滑，廚師拿捏火候了得。東坡肉塔啱晒打卡，塔內係梅菜，煮得入味又腍滑，睇得又食得。白灼新鮮鵝腸，鮮爽，帶少少肥係重點，芽菜脆爽，加埋一齊食美味。油鹽水花甲皇又係鮮甜，蒜茸蒸貴妃蚌熟度剛好，新鮮吊燒雞相比沒驚喜，上湯浸勝瓜清一清味蕾，跟住又嚟邪惡嘅金沙涼瓜四季豆，順德炒米粉炒得乾身入味，最後特色順德甜品酥炸鮮奶結尾。今晚大致都好味，而且店員招呼又好，會再嚟～
王朝潮順館
九龍灣牛頭角道3號得寶商場地下A7號舖
沒有留言:
發佈留言