早利亞的美食感覺: 掛住上水拉麵

2024年2月16日星期五

掛住上水拉麵

到上水行行，諗起麵家山下，搬咗去舊址對面，裝修簡潔舒服，menu仍然照舊，三人行，就三碗拉麵加一客章魚燒。

叉燒拉麵$78 叉燒份量多點，但欠缺味付雞蛋，選醬油味，原汁原味。另一碗要店子推介拉麵DX $88 選味噌底更添日本風味，配料多，叉燒外還有芽菜、味附雞蛋2隻、筍及蔥。後生仔則選黑蒜特盛拉麵$110，叉燒及芽菜都得多，黑蒜香而不搶味，味道令人好舒服。章魚燒$30 即點即煮，送上嚟仲熱辣辣，外脆內軟，非常好食。