星期日到佐敦搵食，小酒窩會係早利亞其中心水，假日也提供午餐，價錢比餐牌單點較經濟，店員友善，感覺非常舒適。
先來餐湯甘筍湯，配上印式薄餅，香脆可口帶胡椒香。 Lamb Kebab 羊肉烤餅 $92 幾乎係指定動作，份量十足，放滿羊肉及惹味醬汁，配合大量新鮮沙律菜，口感變得豐富。
跟著店員送上 Spaghetti vongole 蜆肉意粉 $88，蜆肉都多，沉晒係底，意粉清爽充滿白酒香。等咗一陣，即叫即焗 Dimpal House Special Pizza 招牌薄餅（6"）$98 材料都豐富。
最後飲埋杯奶茶 masala tea，紅茶香加上豆蔻、肉桂、丁香等香料，茶味濃多層次。食咗多年，餐廳保持水準，店員依然招呼殷勤，食得很舒服。
題外話，等食之際望到吧檯有多支酒類飲品，最搶眼係支 RUM 42.8% 設計如一把匕首，好靚。
小酒窩餐廳
佐敦廟街283號寶發大廈地下
沒有留言:
發佈留言