早利亞的美食感覺: 再見炊豕店蔥油豬扒飯

2022年10月21日星期五

再見炊豕店蔥油豬扒飯

又一間食店結業，炊豕店早利亞係由禮頓道舊舖開始食，起初寫這家店要註明讀音: 吹始，「炊」即燒火做飯之意，而「豕」即家豬，顧名思義，係主打食豬肉料理。早利亞最鐘意蔥油豬扒飯，炸成金黃酥脆的豬扒，粉漿薄脆，肉質鬆軟，配上自家蔥油醬，絕對唔係坊間或燒臘的油淋淋嘅蔥油醬，香而不油，可以放心撈飯，今次外賣返屋企，睇我還原碟飯，賣相都唔錯呀。另外叫多一盒肉燥滷蛋飯，佢嘅肉燥唔係坊間免治絞肉做的，而係炆煮切成小粒的五花肉，無論口感，味覺都有多重感受，入口即溶但唔肥膩，撈飯撈麵都好搭配。外賣自取仲有88折，31/10 前可以去食多2餐，再見啦炊豕店。