唐蒜又名青蒜，葉扁長，起角似 V 形，近根部成球狀，成熟後就係蒜頭。今日早利亞就用嚟炒肉片，加點紅椒好醒胃呀，非常冶味。
做法：
～唐蒜切段，分綠葉及白蒜備用
～豬肉切薄片，生抽、老抽、少許糖、生粉醃半小時
～蒜蓉起鑊，下白蒜爆炒2分鐘後下肉片
～肉片轉色快熟時灒酒，下蒜葉及辣椒粒
～炒勻後上碟
facebook
請讚好我的專頁 可以收到更多新資訊
https://www.facebook.com/juliatsui88
https://www.facebook.com/juliatsui88
2021年3月30日星期二
屋企煮飯仔之煲仔飯
我嘅方法：大火煲滾水，落米，用匙羹攪一兩下，令米鬆散同埋唔好痴實個底，等水差不多收到米面就落餸，放餸後加蓋轉中火，感覺已收水關火，會見到煙由白煙轉變至微黃，唔好開蓋，焗起碼15分鐘。
水米比例大約1：1
留意新米同舊米有少少分別，新米係當年種嘅米，水份足，要減一點水，如果平時超市買的已經溝好新舊米，咁就不用理會。
facebook
請讚好我的專頁 可以收到更多新資訊
https://www.facebook.com/juliatsui88
https://www.facebook.com/juliatsui88
2021年3月27日星期六
新人氣小店餃撚店
人氣小菜館楚撚記大排檔嘅新line餃撚店，顧名思義係賣餃子，日日新鮮人手包製，餡料有創意，今次就外買咗一打生餃子，附送辣菜甫，辣椒油及黑醋，一次過試咗六款味道。
外賣盒設計不錯，餃子保持完整，皮厚薄適中唔易散，好好煎。黑松露什菌餃入口黑松露味較淡，什菌反而好香，另加入蘿蔔及木耳增加口感。蝦米香菇翠玉瓜豬肉餃，翠玉瓜清淡，蝦米香味突出。西洋菜鮮蝦豬肉餃同坊間西洋菜餃比較，加了蝦肉較爽口鮮甜，幾好食。東北京蔥羊肉餃孜然等香料味道相當濃，有點蓋過羊肉味。雙重芝士粟米鮮蝦餃，芝士味不過重，同粟米鮮蝦味道拿捏得恰到好處，有半溶效果，啱晒芝士控。最後的椰香荔芋臘腸香菇餃，臘腸及芋頭滿滿，好特別。店子有兩款甜包點，傳統蛋黃蓮蓉壽桃及黑金流沙奶黃壽桃，今日試咗黑金壽桃，蒸熱後奶黃餡呈流沙狀態，食嘅時候要小心，味道都唔錯。
餃撚店
荃灣川龍街118號百悅坊地下
facebook
請讚好我的專頁 可以收到更多新資訊
https://www.facebook.com/juliatsui88
https://www.facebook.com/juliatsui88
2021年3月24日星期三
品穀無添加麵包
品穀烘焙師專注在「麵粉」、「發酵種」和「技術」，發酵及烘焙時間都準確掌握。全店的麵包都天然無添加，招牌25層牛角包用麥香濃重的法國有機麵粉混合口感細膩的日本麵粉，再加入法國 AOP 牛油；法式麵包加入了法國 T65麵粉，令麵包麥香味更重；酸種麵包則用了自家製葡萄糖種酵母，入口感到天然的酸味，最開心食到健康又美味的麵包。
今日早利亞就買了朱古力酥層層口感分明，有牛油香；海鹽布里歐點點鹹香及橙皮乳酪包，烘熱後橙皮柑橘味香，質感軟熟，好吃。當然價錢比一般麵包店為高，但想到材料價錢，我寧可比貴d也不希望食添加劑。
品穀
佐敦白加士街61號地舗
佐敦白加士街61號地舗
facebook
請讚好我的專頁 可以收到更多新資訊
https://www.facebook.com/juliatsui88
https://www.facebook.com/juliatsui88
2021年3月22日星期一
屋企煮飯仔之清明前後食蕎菜
清明節食青團、艾粄之外，仲有食蕎菜嘅習慣，蕎菜又名薤菜或藠頭，一年只係清明前後一個月當造，醃漬過就係平時係酒樓食到嘅蕎頭，尋日係粉嶺見到立刻買半斤，一般多數用嚟炒燒肉，或者煮豆干，但今日早利亞就用第一刀爽肉嚟炒，蔥香味濃郁，飯都食多碗。
做法：
～蕎菜葉一般比較老，而且味淡，去葉留莖，切段備用
～豬肉切片，生抽、老抽、少許糖、生粉醃半小時
～燒紅油鑊，下蕎菜爆炒2分鐘，起鑊備用
～加少許油下薑片，聞到薑味後炒肉片
～肉片8、9成熟時灒酒，蕎菜回鑊
～炒勻後上碟
薤（藠頭），最早的記載可以追溯到《神農本草經》中，李時珍的《本草綱目》中也對薤有詳細描述：「薤氣如蔥，根如小蒜，葉如韭，惟韭葉中實而扁，有劍行，薤葉中空，似細蔥葉而有棱。」
2021年3月20日星期六
滑滑豉油雞
今晚終於可以一嚐一向以家的味道聞名的揚英浦豉油雞，店舖名字咁特別，原來係老闆同老闆娘中文名加起，加浦點的意思，希望帶自己兒時味道比客人。因為想試試起骨（半隻$114）及連骨（半隻$94） 的分別，所以各訂了半隻， 打開外賣盒子賣相整齊，顏色吸引，各連1盒自家醃酸蘿蔔及豉油汁。二話不說，先翻熱豉油汁，微微用蒸氣餘溫令雞肉回暖，淋上豉油，食得。豉油是老闆媽媽配方再自家調教味道浸製，雞味道香濃，不會死鹹，雞肉嫰滑，贏過坊間不少以豉油雞作賣點的餐廳。
另外亦知道老闆娘考取了中醫藥膳保健師牌，每日時令靚湯，特意訂了一包 500ml $50 密封包裝，可以整包放入滾水中翻熱，非常方便。今天是鱆魚蓮藕豬骨湯，入口舒服，清清地，沒有味精痕跡，好似屋企飲老火湯一樣。
最後結論：早利亞鍾意有骨多d，如果鍾意啖啖肉，食得暢快，無骨的做得好好，感覺更滑
揚英浦
觀塘開源道60號11樓R室駱駝漆大廈3座
facebook
請讚好我的專頁 可以收到更多新資訊
https://www.facebook.com/juliatsui88
https://www.facebook.com/juliatsui88
2021年3月18日星期四
皇室堡地下大堂展銷
今日經過銅鑼灣皇室堡地下大堂見到有多檔展銷攤位售賣食品及飲品，有張榮記蝦子麵、雞仔餅大王懷舊餅食、香港品牌雪糕波波、意大利入口橄欖油及食材、台灣製造了結糖、YSY 藍莓冰酒、其他餐酒及烈酒等，即日起至 21／3，大家有興趣可以去逛逛～
銅鑼灣告士打道311號皇室堡地下
訂閱：
文章 (Atom)