2023年9月22日星期五

俺流塩らーめん

APM 睇完戲落樓下搵食，友人想食碗拉麵，就順道嚟過江龍涉谷人氣拉麵俺流塩らーめん食碗麵吧。落單等十來分鐘，友人點的豚肉盛合拉麵 $93 先到，豬骨湯底比較淡味，雖然好多配料 叉燒、豚角及豚肉片，但都不算突出，半熟蛋似乎過熟了點。早利亞的俺流味噌拉麵 $86，味噌湯底濃味不過鹹，添加柚子感覺清新，加咗蔬菜菠菜、白蔥同筍絲清爽，呢碗拉麵底比較有彈性及掛湯，勝過豚肉盛合的幼麵，叉燒片大件好味但一片似乎太少了。友人覺得湯底淡問問店員有沒有七味粉，可惜沒有提供，亦沒有提議其他醬汁，目測沒有蒜蓉等供客人添加，只有辣椒醬及胡椒，或許對自家湯底好有信心吧～

















俺流塩らーめん
觀塘道418號創紀之城5期(apm)1樓L1-1號舖

發佈者： 於 沒有留言:
標籤：

2023年9月20日星期三

掛住永合成馳名煲仔飯

雖然天氣未開始涼，但已經掛住煲仔飯，今日嚟到西環順道嚟永合成食個煎蛋牛肉飯，要少少飯焦先，等嘅時候當然叫碗例湯，今日係番茄薯仔煲豬骨，永合成例湯都好夠火候，不會失望。再嚟一個小菜跟友人一起分享，這道豆腐豆卜煮鯇魚好家常，麵豉醬味道剛好，好似媽媽煮的味道，坊間多做蒸鯇魚，慳功夫好多，師傅肯開鑊煮有誠意。跟住煲仔飯來到，荷包蛋流心，飯粒分明，一切都恰到好處。等涼少少再嚟食黃鱔煲仔飯，諗起都流口水啦～














永合成馳名煲仔飯 西環石塘咀德輔道西360號地舖



發佈者： 於 沒有留言:
標籤：

2023年9月19日星期二

望住海景食一幻

早前想睇小忌廉展覽「美紙 X 陋室五月 《高田明美 魔法回憶原畫展》展覽」，咁就順便喺海港城揾食，見 eatigo 有個 offer 11：30 到 一幻就可以有單點 50% 優惠，立即訂位試試。以往都食湯拉麵，蝦湯濃郁，拉麵掛湯，令人回味，今天嚟到見有香港店限定特濃蝦汁叉燒拌麵，竟然唔係湯麵，要試試先。

今天雖然天氣一般，但望住海景食呢碗麵依然好享受，聽食家講每一碗都係獨立烹製，用蝦頭、蝦湯、蔬菜等材料熬煮而成的蝦汁，再加用蝦頭煉出來的蝦油，加上蒜蓉及醬油在小鍋裏煮勻後放入粗麵拌勻，令麵條吸收蝦汁精華。碗麵嚟到都仲熱辣辣，趁熱再撈勻麵上的紅薑、蝦頭及小麥粉炮製的紅色粒粒、蔥粒、紫菜絲及叉燒粒，簡單講～好食~




 


















一幻拉麵 尖沙咀廣東道3-27號海港城海運大廈地下OT G59號舖


發佈者： 於 沒有留言:
標籤：

2023年9月14日星期四

新店雁門山西刀削麵

朋友發現呢家刀削麵就帶早利亞嚟一齊試試，先嚟選麵類，梗係刀削麵啦～

酸菜鮮魚片麵，燉牛腩麵轉撈麵加$8，可選香辣、麻辣、剁椒，而早利亞唔食得辣，所以揀蔥香。本來想飲豆漿，可惜店子只有冰凍的，還好店員提議另外沖茶比我哋，雖然收 $6 茶錢，但連私家茶都攞嚟招呼我哋，好有誠意。

多叫2款前菜，鹵水豆腐及椒麻手撕雞，豆腐入味，手撕雞惹味不太辣，好食呀～食住前菜見到師傅捧住麵糰即場削麵條，湯麵先到，好大碗份量十足，酸菜湯味道整體調和，唔好以為酸菜湯簡簡單單，好多坊間做得太搶味反而不討好。魚片新鮮，麵條有咬口，比一般麵條好食。再來撈麵，聽到師傅放香料調味落麵條後再灒油，店員送來時已聞到好香，撈勻入口，麵條煙韌十分惹味，而且牛腩粒份量多，推介推介呀～

食完麵後呷啖茶十分滿足，店子才剛開業無耐，暫時只收現金，閒聊幾句，師傅堅持每天搓粉做麵糰，賣晒就收舖，怪不得麵條咁好食，希望店子努力呀，早利亞好快又會嚟再試其他麵食。




















雁門山西刀削麵 土瓜灣馬頭圍道292號



發佈者： 於 沒有留言:
標籤：
訂閱： 文章 (Atom)