中環健康拉麵

走入隱世屋台感~濃郁豚骨拉麵好滋味

今日經過呢間充滿日式屋台 vibe 嘅拉麵店「健康食品拉麵」坐喺吧枱睇住師傅煮麵，真係好似去咗日本街頭食屋台咁有 Feel～

豚骨拉麵 ($80)

點咗最基本款嘅豚骨拉麵，落單可以自由選擇麵嘅硬度、香味油、蒜蓉同蔥花量。湯底色澤奶白濃郁，入口濃香順滑，加咗蒜蓉同香味油之後成碗湯即刻昇華，叉燒表面炙燒過，帶微微焦香，肉質軟嫩肥瘦均勻，咬落去好有肉香， 麵條早利亞揀咗普通硬度嘅細麵，吸吸埋埋啲豚骨濃湯一口啜落去，非常爽滑吸湯。上面撒滿大量鮮綠蔥花，仲有紫菜同菠菜，平衡返豚骨湯嘅濃郁感，食完極之滿足！ 呢度除咗豚骨拉麵，仲有辛味噌、日式叉燒麵、甚至混合麵可以揀，下次一定要再來試埋其他口味！

健康食品拉麵

中環威靈頓街97號威利大廈地下B,C,D號舖