2025年4月11日星期五

街坊餅店金雅

金雅餅店自1983年於沙田區成立第一間傳統麵包店，至今有多家分店包括沙田、土瓜灣、藍田、西環及馬鞍山店，出品除一般麵包、西餅、蛋糕外，還有曲奇餅、中式唐餅及節日食品等，每日新鮮本地生產。

尋日係馬鞍山店第一樣吸引早利亞的除五仁條外還有欖仁豆沙條，坊間少有此類產品，而且欖仁比較貴，相比價錢算貼地喎。多款唐餅外，仲有多口味曲奇及瑞士卷，最後早利亞買咗好耐無食嘅十字包，口感似鬆餅，一般會加提子乾，而金雅就再加埋乾果碎增加味道層次。





























金雅餅店
鞍駿街11號福安花園地下10號舖 

發佈者： 於 沒有留言:
標籤：

2025年4月8日星期二

繼續開心果熱潮

約咗朋友食晚飯，比預期早咗到佐敦，咁就周圍行下啦，見紅豆烘焙新鮮出爐開心果布甸包好吸引，入內睇下仲有咩係開心果系列先，曲奇、燒餅、麻薯到鳥結糖都有，一定滿足到開心果 fans ～

再睇睇蛋糕櫃，各式立體蛋糕又靚又有創意，想比個 surprise 朋友可以考慮下





















紅豆烘焙
佐敦寶靈街12號地舖


發佈者： 於 沒有留言:
標籤：

2025年4月2日星期三

上水豬屋日本料理

上次專程到上水想食鳳鳴居醉雞湯米線，點知晚上6點幾都有人排隊，要排好幾張枱，咁就慢慢行下馬會道睇下邊度有位，咁啱見到呢家做日式便當都吸引就入去試試。嘟QR code 睇menu 真係有好多款式，最後揀咗2款人氣便當。

秋田便當 $94
前菜三文魚帶子刺身及味付螺肉，主菜吉列雞扒之外還有汁煮豬軟骨配咖哩飯，新鮮又好豐富。

薩摩便當 $108
前菜有好耐冇食嘅蟹籽加州卷及味付螺肉，主菜鹽燒安格斯封門柳肉味香濃，七味燒豬頸肉亦爽滑配咖哩飯，亦可選壽喜燒汁不過早利亞覺得咖哩汁比較好食，份量十足，食得滿足。































豬屋日本料理
發佈者： 於 沒有留言:
標籤：

2025年3月31日星期一

最後一次添財記

受重建影響，估唔到上到到九龍城添財記食碗牛肉拼艇仔粥已經係最後一次，老闆怕結業前人龍不絕影響質素，所以好遲先貼通告通知街坊。老闆表示其實無乜特別秘方，用傳統方法，使用大煲，唔打米漿唔或浸米，大火煲到綿滑，加上配料豐富，結業真係好可惜，希望老闆搵到適合嘅舖位重開啦～
















添財記粥粉麵咖啡
九龍城龍崗道35號


發佈者： 於 沒有留言:
標籤：

2025年3月27日星期四

漢發麵家灣仔店

喺灣仔搵食，諗起深水埗50年老字號漢發麵家年前喺灣仔開分店，去食佢嘅招牌菜豬潤麵同豬扒都好喎，行多2步到告士打道，雖已過1點半，但都要等2張枱，入座後同友人各點碗麵，再嚟客西多士。

牛肉公仔麵加太陽蛋 $42+$4，牛肉嫩滑夠味，豬潤公仔麵加豬扒 $52+$16，招牌厚切豬潤依然爽口，湯有點點薑味亦有酒香，豬扒大件厚身，鬆化入味，唔錯唔錯。店子沒有套餐，單點熱奶茶 $19。最後嚟嘅西多士 $42 即叫即做，用梳乎厘做法，先打起蛋白，再放入蛋黃，蛋漿包住整塊麵包，呈現圓邊，有別坊間做法，入口比較蓬鬆，唔會實的的。整體保持水準，上菜快，價錢比深水埗貴一點可以理解。



































漢發麵家
灣仔告士打道168號地舖


發佈者： 於 沒有留言:
標籤：
訂閱： 文章 (Atom)